Video Tags:
Yemen,,Main,,Saudi,,Dron,,Tiyarah,,Mar,,Graya,,Sahar,,Urdu,,News
Video Tags:
Naseem-e-Zidngi,,Zibatees,,Ka,,Elaj,,Daryaft,,ker,,lia,,Gaya,,Sahar,,Urdu
Video Tags:
Youme,,Pakistan,,Tehran,,Main,,Bhi,,Manaya,,Gaya,,Sahar,,Urdu,,News
Video Tags:
Itemi,,Mohiday,,Kay,,Silslay,,main,,Amrica,,Tanha,,Per,,Gaya,,sahar,,Urdu,,News
Video Tags:
Amrica,,Kay,,Zawal,,Ka,,Amal,,Teesz,,ho,,Gaya,,Khateeb,,Juma,,Tehran
Video Tags:
Falasrteen,,Shaheed,,Ka,,Janaza,,Pur,,Shikwah,,Andaz,,Main,,Uthaya,,Gaya,,,Sahar,,Urdu,,News
[27Jul2018] مرصاد فوجی آپریشن میں منافقین کو...
[27Jul2018] مرصاد فوجی آپریشن میں منافقین کو نابود کردیا گیا تھا، خطیب جمعہ تہران - Urdu
[27Jul2018] مرصاد فوجی آپریشن میں منافقین کو نابود کردیا گیا تھا، خطیب جمعہ تہران - Urdu
2m:13s
1521
Video Tags:
Mirsad,,,Fauji,,Operaion,,main,,Munafqeen,,Ko,,Nabood,,Ker,,Dia,,Gaya,,Khateeb,,Juma,,Tehran,,Sahar,,Urdu,,News
Video Tags:
Yemen,,Kay,,Mazloom,,Wa,,Shaheed,,Bachoon,,Ki,,Mashad,,main,,Yad,,kia,,Gaya,,Sahar,,Urdu,,News
Video Tags:
Qabila,,Ale,,Saud,,Main,,Sarahiyat,,Ker,,Gaya,,Corana,,Sahar,,Urdu,,,News
Video Tags:
Saudi,,Arab,,main,,Tamam,,Shehroon,,main,,Qarntinsa,,Ker,,Dia,,Gaya,,sahar,,Urdu,,NEws
امام خمینیؒ کو کیوں جلا وطن کیا گیا ؟ |...
بانی انقلاب اسلامی امام خمینی رضوان اللہ تعالیٰ علیہ کو پہلوی حکومت کی طرف سے 4...
بانی انقلاب اسلامی امام خمینی رضوان اللہ تعالیٰ علیہ کو پہلوی حکومت کی طرف سے 4 نومبر 1964 کو ایران سے بے دخل کرکے 13 سال جلا وطنی کی زندگی گزارنے پر مجبور کیا گیا۔ پہلوی حکومت کی طرف سے امام خمینیؒ کو ایران سے جلاوطن کرنے کی وجہ آپؒ کی وہ تقریر تھی جس میں آپؒ نے پارلمینٹ میں منظور ہونے والے امریکیوں کی استثناء کے بل کی منظوری کے خلاف انکشافات کرتے ہوئے اس کی بھرپور مذمت کی تھی۔ ایرانی پارلیمنٹ میں پاس ہونے والا یہ بل کیا تھا؟ اس بل کی حقیقت کیا تھی جس کی امام خمینیؒ نے بھرپور مذمت کی تھی؟
ولی امر مسلمین سید علی خامنہ ای کی زبانی اس بل کی حقیقت کو تفصیل کے ساتھ جاننے کے لیے اس ویڈیو کو ضرور ملاحظہ فرمائیں۔
ویڈیو #ولی_امر_مسلمین #امام_خمینی #جلا_وطن #پارلیمنٹ #حکم #قانون #منظور #ایران #امریکی #جرم #مقدمہ #عدالتی_نظام #استثناء #تقریر
1m:38s
8094
Video Tags:
Wilayat,
Media,
WilayatMedia,
video,
qaid,
madinah,
mushkilaat,
samjhota,
mazhab,
khalqat,
islam,
صبر والی زندگی | ڈاکومنٹری - فوعہ کفریا...
▪️ اس دستاویزی فلم میں فوعہ کفریا کے لوگوں کے مختصر حالات اور تکفیریوں کی ساتھ...
▪️ اس دستاویزی فلم میں فوعہ کفریا کے لوگوں کے مختصر حالات اور تکفیریوں کی ساتھ ان کے تبادلے پر کے مناظر کو پیش کیا گیا جہاں خوارج کی اولادوں یعنی داعش نے اپنے اجداد کی طرح وعدہ خلافی کرتے ہوئے تبادلے کے اس کاروان پر خودکش حملہ کروایا جس میں سو سے زیادہ بے گناہ بوڑھے، بچوں اور خواتین کو خاک و خون میں غلطاں کیا گیا۔
▪️ یہ ایک ایسی دستاویزی فلم ہے جس میں ان مختصر رقبے میں آباد انہی دو گاوں میں آباد شیعہ مظلوم لوگوں کے حالات کو بیان کیا گیا ہے جنہیں تکفیریوں کی جانب سے ان کی اپنی سر زمین میں کئی سال شدید محاصرے میں رکھا گیا۔
▪️ جب 2011 میں شام پر امریکی اور اسرائیل مقاصد کو حاصل کرنے اور مرکزی حکومت کو برطرف کرنے کے لیے ساری دنیا سے تکفیریوں کو امپورٹ کیا گیا تو بہت سارے علاقوں کو مختلف وجوہات کی بنا پر محاصرے میں لیا گیا جس میں کچھ چھوٹے چھوٹے شیعہ گاوں بھی شامل تھے جنہیں اہلبیتؑ سے محبت کے جرم میں بے پناہ مظالم کا نشانہ بنایا گیا انہی محاصرہ شدہ علاقوں میں ادلب صوبے میں واقع یہ دو گاوں فوعہ اور کفریا بھی شامل تھے۔
50m:29s
150
[Full Speech URDU] رہبر معظم سید علی خامنہ ای :...
\"اسلامی بیداری اور نوجوان نسل\" عالمی کانفرنس کے مندوبین سے خطاب
30-01-2012...
\"اسلامی بیداری اور نوجوان نسل\" عالمی کانفرنس کے مندوبین سے خطاب
30-01-2012
قائد انقلاب اسلامی آيت اللہ العظمی سید علی خامنہ ای نے 10 بہمن سنہ 1390 ہجری شمسی مطابق 30 جنوری سنہ 2012 عیسوی کو ملاقات کے لئے آنے والے \"نوجوان نسل اور اسلامی بیداری\" کے زیر عنوان تہران میں منعقدہ بین الاقوامی کانفرنس کے شرکاء سے اپنے خطاب میں آمریت کے خلاف خطے کی اقوام کی تحریک کو صیہونیوں کی عالمی ڈکٹیٹر شپ کے خلاف جدوجہد کا مقدمہ قرار دیا۔
قائد انقلاب اسلامی نے نوجوانوں کو امت مسلمہ کا بہترین سرمایہ قرار دیا اور کانفرنس میں شرکت کے لئے دنیا کے تہتر ملکوں سے آنے والے سیکڑوں نوجوانوں سے خطاب میں فرمایا کہ عالم اسلام کے نوجوانوں کی بیداری نے پوری دنیا کی مسلم اقوام کی بیداری کی امیدوں میں اضافہ کر دیا ہے۔
قائد انقلاب اسلامی نے مصر، تیونس، لیبیا اور دیگر اسلامی ملکوں میں قوموں کے انقلابات سے استکباری طاقتوں کو پہنچنے والے نقصانات اور ان پر لگنے والی کاری ضربوں کی تلافی کے لئے ان طاقتوں کے ذریعے کی جاری کوششوں کا جائزہ لیا۔ آپ نے فرمایا کہ دشمن، ناپاک منصوبے اور سازشیں تیار کرنے میں مصروف ہے اور اسلامی اقوام، خاص طور پر مسلم ملکوں کے نوجوانوں کو جو اسلامی بیداری میں کلیدی رول کے حامل ہیں، اس بات کی اجازت نہیں دینی چاہئے کہ عالمی استبدادی نیٹ ورک ان کے انقلابوں کو ستوتاژ کرے۔
قائد انقلاب اسلامی کے خطاب کا اردو ترجمہ حسب ذیل ہے؛
بسماللَّهالرّحمنالرّحيم
الحمد للَّه ربّ العالمين و الصّلاة و السّلام على سيّد المرسلين و سيّد الخلق اجمعين سيّدنا و نبيّنا ابىالقاسم المصطفى محمّد و على ءاله الطّيّبين و صحبه المنتجبين و من تبعهم باحسان الى يوم الدّين.
میں آپ تمام معزز مہمانوں، عزیز نوجوانوں اور امت اسلامیہ کے مستقبل کے تعلق سے خوش خبری کے حامل لوگوں کو خوش آمدید کہتا ہوں۔ آپ میں سے ہر فرد ایک عظیم بشارت کا حامل ہے۔ جب کسی ملک میں نوجوان بیدار ہو جاتا ہے تو اس ملک میں عوامی بیداری کی امیدیں بڑھ جاتی ہیں۔ آج پورے عالم اسلام میں ہمارے نوجوان بیدار ہو چکے ہیں۔ نوجوانوں کے لئے کتنے جال بچھائے گئے لیکن غیور اور بلند ہمت مسلم نوجوان نے خود کو ہر جال سے نجات دلائی۔ آپ دیکھ رہے ہیں کہ تیونس میں، مصر میں، لیبیا میں، یمن میں، بحرین میں کیا ہوا۔ دیگر اسلامی ممالک میں کیسی تحریک اٹھی۔ یہ سب نوید اور خوش خبری ہے۔
میں آپ عزیز نوجوانوں، اپنے بچوں سے یہ عرض کروں گا کہ آپ یقین جانئے کہ آج تاریخ عالم اور تاریخ بشریت ایک عظیم تاریخی موڑ پر پہنچ گئی ہے۔ پوری دنیا میں ایک نئے دور کا آغاز ہو رہا ہے۔ اس دور کی واضح اور بڑی نشانیوں میں اللہ تعالی کی طرف توجہات کا مرکوز ہو جانا، اللہ تعالی کی لا متناہی قدرت سے مدد طلب کرنا اور وحی الہی پر تکیہ کرنا ہے۔ انسانیت مادی مکاتب فکر کو عبور کرکے آگے بڑھ آئی ہے۔ اب نہ مارکسزم میں کشش باقی رہ گئی ہے، نہ مغرب کی لبرل ڈیموکریسی میں جاذبیت کی کوئی رمق ہے۔ آپ خود دیکھ رہے ہیں کہ لبرل ڈیموکریسی کے گہوارے کے اندر، امریکہ اور یورپ کے اندر کیا حالات ہیں؟! شکست کا اعتراف کیا جا رہا ہے۔ اسی طرح سیکولر نیشنلزم میں بھی کوئی جاذبیت نہیں رہ گئی ہے۔ اس وقت امت اسلامیہ کی سطح پر سب سے زیادہ کشش اسلام میں نظر آ رہی ہے، قرآن میں نظر آ رہی ہے، وحی الہی پر استوار مکتب فکر میں نظر آ رہی ہے، اللہ تعالی نے یقین دلایا ہے کہ الہی مکتب فکر، وحی پر استوار مکتب فکر اور عزیز دین اسلام میں انسان کو سعادت اور کامرانی کی منزل تک پہنچنے کی پوری صلاحیت موجود ہے۔ یہ ایک نہایت اہم، بامعنی اور مبارک راستہ ہے۔ آج اسلامی ممالک میں اغیار پر منحصر آمریتوں کے لوگ اٹھ کھڑے ہوئے ہیں۔ یہ اس عالمی آمریت اور بین الاقوامی ڈکٹیٹر شپ کے خلاف علم بغاوت بلند ہونے کا مقدمہ ہے جو استکباری طاقتوں اور صیہونیوں کی ڈکٹیٹر شپ کے خبیث اور بدعنوان نیٹ ورک سے عبارت ہے۔ آج بین الاقوامی استبداد اور بین الاقوامی ڈکٹیٹر شپ امریکہ اور اس کے پیروؤں کی ڈکٹیٹر شپ اور صیہونیوں کے خطرناک شیطانی نیٹ ورک کی صورت میں مجسم ہو گئي ہے۔ اس وقت یہ عناصر مختلف چالوں سے اور گوناگوں حربوں کے ذریعے پوری دنیا میں اپنی آمریت چلا رہے ہیں۔ آپ نے جو کارنامہ مصر میں انجام دیا، تیونس میں انجام دیا، لیبیا میں انجام دیا، اور جو کچھ یمن میں انجام دے رہے ہیں، بحرین میں انجام دے رہے ہیں، بعض دیگر ممالک میں اس کے جذبات و احساسات برانگیختہ ہو چکے ہیں، یہ سب اس خطرناک اور زیاں بار ڈکٹیٹرشپ کے خلاف جدوجہد کا ایک جز ہے جو دو صدیوں سے انسانیت کو اپنے چنگل میں جکڑے ہوئے ہے۔ میں نے جس تاریخی موڑ کی بات کی وہ، اسی آمریت کے تسلط سے قوموں کی آزادی اور الہی و معنوی اقدار کی بالادستی کی صورت میں رونما ہونے والی تبدیلی سے عبارت ہے۔ یہ تبدیلی آکر رہے گی، آپ اسے بعید نہ سمجھئے!
یہ اللہ کا وعدہ ہے«ولينصرنّ اللَّه من ينصره»(1) اللہ تعالی تاکید کے ساتھ ارشاد فرماتا ہے کہ اگر آپ نے اللہ کی مدد کی تو وہ آپ کی ضرور مدد فرمائے گا۔ ممکن ہے کہ عام نظر سے دیکھا جائے اور مادی اندازوں کی بنیاد پر پرکھا جائے تو یہ چیز بعید دکھائی دے لیکن بہت سی چیزیں ہیں جو بعید معلوم ہوتی تھیں مگر رونما ہو گئیں۔ کیا آپ ایک سال اور دو تین مہینے قبل یہ سوچ سکتے تھے کہ مصر کا طاغوت (ڈکٹیٹر حسنی مبارک کا اقتدار) اس طرح ذلت و رسوائی کے ساتھ ختم ہو جائے گا؟ اگر اس وقت لوگوں سے کہا جاتا کہ مبارک کی بدعنوان اور (بیرونی طاقتوں پر) منحصر حکومت ختم ہو جائے گی تو بہت سے لوگ اس کا یقین نہ کرتے، لیکن ایسا ہوا۔ اگر کوئی دو سال قبل یہ دعوی کرتا کہ شمالی افریقا میں یہ عجیب قسم کے واقعات رونما ہونے والے ہیں تو لوگوں کی اکثریت کو یقین نہ آتا۔ اگر کوئی لبنان جیسے ملک کے بارے میں کہتا کہ مومن نوجوانوں کی ایک تنظیم صیہونی حکومت اور پوری طرح مسلح صیہونی فوج کو شکست دیدے گی تو کوئی بھی اس پر یقین نہ کرتا، لیکن یہ ہوا۔ اگر کوئی کہتا کہ اسلامی جمہوری نظام مشرق و مغرب سے جاری مخاصمتوں اور دشمنیوں کے مقابلے میں بتیس سال تک ڈٹا رہے گا اور روز بروز زیادہ طاقتور اور زیادہ پیشرفتہ ہوتا جائے گا تو کوئی بھی یقین نہ کرتا، لیکن ایسا ہوا۔ «وعدكم اللَّه مغانم كثيرة تأخذونها فعجّل لكم هذه و كفّ ايدى النّاس عنكم و لتكون ءاية للمؤمنين و يهديكم صراطا مستقيما»(2) یہ کامیابیاں اللہ تعالی کی نشانیاں ہیں۔ یہ سب پر غالب رہنے والی حق کی طاقت ہے جس سے اللہ تعالی ہمیں روشناس کرا رہا ہے۔ جب عوام میدان میں آ جائيں اور ہم اپنا سب کچھ لیکر میدان میں اتر پڑیں تو نصرت الہی کا حاصل ہونا یقینی ہے۔ اللہ تعالی ہمیں راستا بھی دکھاتا ہے، «و الّذين جاهدوا فينا لنهدينّهم سبلنا».(3) اللہ تعالی ہدایت بھی کرتا ہے، مدد بھی کرتا ہے، بلند مقامات پر بھی پہنچاتا ہے، بس شرط یہ ہے کہ ہم میدان میں ثابت قدم رہیں۔
اب تک جو کچھ رونما ہوا ہے وہ بہت عظیم شئے ہے۔ مغربی طاقتوں نے اپنی سائنسی ترقی کی مدد سے دو سو سال تک امت اسلامیہ پر حکومت کی ہے، اسلامی ممالک پر قبضہ کیا، بعض پر براہ راست اور بعض دیگر پر مقامی ڈکٹیٹروں کے ذریعے بالواسطہ طور پر۔ برطانیہ، فرانس اور سب سے بڑھ کر امریکہ جو بڑا شیطان ہے، انہوں نے امت اسلامیہ پر تسلط قائم کیا۔ جہاں تک ہو سکا اسلامی امہ کی تحقیر کی، مشرق وسطی کے اس حساس علاقے کے قلب میں صیہونیت نامی کینسر لاکر ڈال دیا اور پھر ہر طرف سے اسے تقویت پہنچائی اور مطمئن ہو رہے کہ اب دنیا کے اس اہم ترین خطے میں ان کی پالیسیوں اور مقاصد کو مکمل تحفظ مل گیا ہے۔ لیکن جذبہ ایمانی ہمت و شجاعت، اسلامی ہمت و شجاعت اور عوامی شراکت نے ان تمام باطل خوابوں کو چکناچور کر دیا اور ان سارے اہداف پر پانی پھیر دیا۔
آج عالمی استکبار کو اسلامی بیداری کے مقابلے میں اپنی کمزوری اور ناتوانی کا احساس ہو رہا ہے۔ آپ غالب آ گئے ہیں، آپ فتحیاب ہیں، مستقبل آپ کے ہاتھ میں ہے۔ جو کام انجام پایا ہے وہ بہت عظیم کارنامہ ہے، لیکن کام یہیں ختم نہیں ہوا ہے۔
یہ بہت اہم نکتہ ہے۔ ابھی شروعات ہوئی ہے، یہ نقطہ آغاز ہے۔ مسلم اقوام کو چاہئے کہ اپنی جدوجہد جاری رکھیں تاکہ دشمن کو مختلف میدانوں سے باہر کر دیں۔
یہ مقابلہ عزم و ارادے کا مقابلہ ہے اور ہمت و حوصلے کی زور آزمائی ہے۔ جس فریق کا ارادہ مضبوط ہوگا وہ غالب آ جائے گا۔ جو دل اللہ تعالی پر تکیہ کئے ہوئے ہے اسے غلبہ حاصل ہوگا۔ «ان ينصركم اللَّه فلا غالب لكم»؛(4) اگر آپ کو نصرت الہی کا شرف حاصل ہو گیا تو پھر کوئی بھی آپ پر غلبہ حاصل نہیں کر سکے گا، آپ کو پیشرفت حاصل ہوگی۔ ہم چاہتے ہیں کہ مسلم اقوام جن سے عظیم امت اسلامیہ کی تشکیل عمل میں آئی ہے، آزاد رہیں، خود مختار رہیں، باوقار رہیں، کوئی ان کی تحقیر نہ کر سکے، اسلام کی اعلی تعلیمات و احکامات سے اپنی زندگی کو سنواریں۔ اسلام میں یہ توانائی موجود ہے۔ (دشمنوں نے) برسوں سے ہمیں علمی میدان میں پیچھے رکھا، ہماری ثقافت کو پامال کیا، ہماری خود مختاری کو ختم کر دیا۔اب ہم بیدار ہوئے ہیں۔ ہم علم کے میدانوں میں بھی یکے بعد دیگر اپنی بالادستی قائم کرتے جائیں گے۔
تیس سال قبل جب اسلامی جمہوریہ کی تشکیل عمل میں آئی تو دشمن کہتے تھے کہ اسلامی انقلاب تو کامیاب ہو گیا لیکن وہ یکے بعد دیگرے تمام شعبہ ہائے زندگی کو سنبھالنے میں ناکام ہوگا اور سرانجام پیچھے ہٹ جائے گا۔ آج ہمارے نوجوان اسلام کی برکت سے علم و دانش کے شعبے میں ایسے کارہائے نمایاں انجام دینے میں کامیاب ہوئے ہیں، جو خود ان کے بھی تصور سے پرے تھے۔ آج اللہ تعالی کی ذات پر توکل کی برکت سے ایرانی نوجوان عظیم علمی سرگرمیاں انجام دے رہا ہے۔ یورینیم افزودہ کر رہا ہے، اسٹیم سیلز پیدا کرکے اسے نشونما کے مراحل سے گزار رہا ہے، حیاتیات کے شعبے میں بڑے قدم اٹھا رہا ہے، خلائی شبے میں سرگرم عمل ہے، یہ سب اللہ تعالی کی ذات پر توکل اور نعرہ اللہ اکبر کے ثمرات ہیں۔۔۔۔۔(5)
ہمیں اپنی صلاحیتوں کو معمولی نہیں سمجھنا چاہئے۔ مغربی ثقافت نے اسلامی ممالک پر سب سے بڑی مصیبت جو نازل کی وہ دو غلط اور گمراہ کن خیالات کی ترویج تھی۔ ان میں ایک، مسلمان قوموں کی ناتوانی اور عدم صلاحیت کی غلط سوچ تھی۔ انہوں نے دماغ میں بٹھا دیا کہ آپ کے بس میں کچھ بھی نہیں ہے۔ نہ سیاست کے میدان میں، نہ معیشت کے میدان میں اور نہ ہی علم و دانش کے میدان میں۔ کہہ دیا کہ \"آپ تو کمزور ہیں، اسلامی ممالک دسیوں سال کے اس طویل عرصے میں اسی غلط فہمی میں پڑے رہے اور پسماندگی کا شکار ہوتے چلے گئے۔ دوسرا غلط تاثر جو ہمارے اندر پھیلایا گيا وہ ہمارے دشمنوں کی طاقت کے لامتناہی اور ان کے ناقابل شکست ہونے کا تاثر تھا۔ ہمیں یہ سمجھا دیا گيا کہ امریکہ کو شکست دینا محال ہے، مغرب کو تو پسپا کیا ہی نہیں جا سکتا۔ ہمیں ان کے مقابلے میں سب کچھ برداشت کرنے میں ہی ہماری بھلائی ہے۔
آج یہ حقیقت مسلم اقوام کے سامنے آ چکی ہے کہ یہ دونوں ہی خیالات سراسر غلط تھے۔ مسلمان قومیں ترقی کرنے کی صلاحیت رکھتی ہیں، اسلامی عظمت و جلالت کو جو کسی زمانے میں علمی و سیاسی و سماجی شعبوں میں اپنے اوج پر تھی، دوبارہ حاصل کرنے پر قادر ہیں اور دشمن کو تمام میدانوں میں پسپائی اختیار کرنی پڑے گی۔
یہ صدی اسلام کی صدی ہے۔ یہ صدی روحانیت کی صدی ہے۔ اسلام نے معقولیت، روحانیت اور انصاف کو یکجا قوموں کے لئے پیش کر دیا ہے۔ عقل و خرد پر استوار اسلام، تدبر و تفکر کی تعلیم دینے والا اسلام، روحانیت و معنویت کی تلقین کرنے والا اسلام، اللہ تعالی کی ذات پر توکل کا راستہ دکھانے والا اسلام، جہاد کا درس دینے والا اسلام، جذبہ عمل کا سرچشمہ اسلام، عملی اقدام پر تاکید کرنے والا اسلام۔ یہ سب اللہ تعالی اور اسلام سے ہمیں ملنے والی تعلیمات ہیں۔
آج جو چیز سب سے اہم ہے، یہ ہے کہ دشمن کو مصر میں، تیونس میں، لیبیا میں اور علاقے کے دیگر ممالک میں کم و بیش جو ہزیمت اٹھانی پڑی ہے اس کی تلافی کے لئے وہ سازش اور منصوبہ تیار کرنے میں مصروف ہے۔ دشمن کی سازشوں پر نظر رکھنے کی ضرورت ہے۔ ہوشیار رہنے کی ضرورت ہے کہ (دشمن) عوامی انقلابوں کو سبوتاژ نہ کر لے، اسے راستے سے منحرف نہ کر دے۔ دوسروں کے تجربات سے استفادہ کیجئے! دشمن، انقلابوں کو غلط سمت میں موڑنے، تحریکوں کو بے اثر بنانے اور مجاہدتوں اور بہنے والے لہو کو بے نتیجہ بنانے کی بڑی کوشش کر رہا ہے۔ بہت محتاط رہنے کی ضرورت ہے، بہت ہوشیار رہنے کی ضرورت ہے۔ آپ نوجوان اس تحریک کے علمبردار ہیں، آپ ہوشیار رہئے، آپ محتاط رہئے۔
پچھلے بتیس برسوں میں ہمیں بڑے تجربات حاصل ہوئے ہیں، بتیس سال سے ہم نے دشمنیوں اور مخاصمتوں کا سامنا کیا ہے، استقامت کی ہے اور دشمنیوں پر غلبہ پایا ہے ۔۔۔۔ (6) کوئي بھی ایسی سازش نہیں ہے جو مغرب اور امریکہ، ایران کے خلاف کر سکتے تھے اور انہوں نے نہ کی ہو۔ اگر کوئی اقدام انہوں نے نہیں کیا تو صرف اس وجہ سے کہ وہ اقدام ان کے بس میں نہیں تھا۔ جو کچھ ان کے بس میں تھا، انہوں نے کیا اور ہر دفعہ انہیں منہ کی کھانی پڑی، ہزیمت اٹھانی پڑی۔۔۔۔۔۔(7) اور آئندہ بھی یہ سلسلہ جاری رہے گا۔ آئندہ بھی اسلامی جمہوریہ کے خلاف تمام سازشوں میں انہیں شکست ہوگی۔ یہ ہم سے اللہ کا وعدہ ہے جس کے بارے میں ہمیں کوئی شک و شبہ نہیں ہے۔
ہمیں اللہ تعالی کے وعدے کی صداقت میں کوئی شک و تردد نہیں ہے۔ ہمیں اللہ تعالی کی طرف سے کوئی بے اطمینانی نہیں ہے۔ اللہ ان لوگوں کی مذمت کرتا ہے جو اس کے تعلق سے بے اطمینانی میں مبتلا ہوتے ہیں۔ «و يعذّب المنافقين و المنافقات و المشركين و المشركات الظّانّين باللَّه ظنّ السّوء عليهم دائرة السّوء و غضب اللَّه عليهم و لعنهم و اعدّ لهم جهنّم و سائت مصيرا»(8)
اللہ کا وعدہ سچا ہے۔ ہم چونکہ میدان میں موجود ہیں، مجاہدت کے میدان میں داخل ہو چکے ہیں، ملت ایران اپنے تمام وسائل و امکانات کے ساتھ میدان میں وارد ہو چکی ہے لہذا نصرت الہی کا حاصل ہونا یقینی ہے۔ دوسرے ممالک میں بھی یہی صورت حال ہے تاہم بہت محتاط رہنے کی ضرورت ہے۔ ہم سب کو ہوشیار رہنا چاہئے، ہم سب کو دشمنوں کے مکر و حیلے کی طرف سے چوکنا رہنا چاہئے۔ دشمن، تحریکوں کو ناکام بنانے کی کوشش کر رہا ہے، اختلاف کے بیج بونے کی کوشش کر رہا ہے۔
آج عالم اسلام میں جاری اسلامی تحریکیں شیعہ اور سنی کے فرق پر یقین نہیں کرتیں۔ شافعی، حنفی، جعفری، مالکی، حنبلی اور زیدی کے فرق کو نہیں مانتیں۔ عرب، فارس اور دیگر قومیتوں کے اختلاف کو قبول نہیں کرتیں۔ اس عظیم وادی میں سب کے سب موجود ہیں۔ ہمیں کوشش کرنا چاہئے کہ دشمن ہمارے اندر تفرقہ نہ ڈال سکے۔ ہمیں اپنے اندر باہمی اخوت کا جذبہ پیدا کرنا چاہئے، ہدف کا تعین کر لینا چاہئے۔ ہدف اسلام ہے، ہدف قرآنی اور اسلامی حکومت ہے۔ البتہ اسلامی ممالک کے درمیان جہاں اشتراکات موجود ہیں، وہیں کچھ فرق بھی ہے۔ تمام اسلامی ممالک کے لئے کوئی واحد آئیڈیل نہیں ہے۔ مختلف ممالک کے جغرافیائی حالات، تاریخی حالات اور سماجی حالات الگ الگ ہیں تاہم مشترکہ اصول بھی پائے جاتے ہیں۔ استکبار کے سب مخالف ہیں، مغرب کے خباثت آمیز تسلط کے ہم سب مخالف ہیں، اسرائیل نامی کینسر کے سب مخالف ہیں۔۔۔۔۔ (9)
جہاں بھی یہ محسوس ہو کہ کوئی نقل و حرکت اسرائیل کے مفاد میں انجام پا رہی ہے، امریکہ کے مفاد میں انجام پا رہی ہے، ہمیں وہاں ہوشیار ہو جانا چاہئے، یہ سمجھ لینا چاہئے کہ یہ حرکت اغیار کی ہے، یہ سرگرمیاں غیروں کی ہیں، یہ اپنوں کی مہم نہیں ہو سکتی۔ جب صیہونیت مخالف، استکبار مخالف اور استبداد و ظلم و فساد کے خلاف کام ہوتا نظر آئے تو وہ بالکل درست عمل ہے۔ وہاں سب \"اپنے\" لوگ ہیں۔ وہاں نہ کوئي شیعہ ہے نہ سنی، وہاں قومیت کا فرق ہے نہ شہریت کا۔ وہاں سب کو ایک ہی نہج پر سوچنا ہے۔
آپ غور کیجئے! اس وقت بالکل سامنے کی ایک مثال موجود ہے۔
دنیا کے تمام نشریاتی ادارے یہ کوشش کر رہے ہیں کہ بحرین کے عوام اور وہاں کی عوامی تحریک کو الگ تھلگ کر دیں۔ مقصد کیا ہے؟ یہ شیعہ سنی اختلاف بھڑکانا چاہتے ہیں۔ تفرقہ کا بیج بونے کی کوشش کر رہے ہیں، خلیج پیدا کرنے کی کوشش میں ہیں۔ حالانکہ ان مسلمانوں اور مومنین کے درمیان جن میں بعض کسی مسلک سے اور بعض دیگر کسی اور مسلک سے وابستہ ہیں، کوئی فرق نہیں ہے۔ اسلام نے سب کو ایک ہی لڑی میں پرو دیا ہے۔ سب امت اسلامیہ سے وابستہ ہیں، اسلامی امہ کا جز ہیں۔۔۔۔ (10) فتح کا راز، تحریک کے دوام کا راز اللہ کی ذات پر توکل، اللہ کے تعلق سے حسن ظن، اللہ تعالی پر اعتماد اور اتحاد اور مربوط کوششوں کا جاری رہنا ہے۔
میرے عزیزو! میرے بچو! آپ بہت محتاط رہئے، اپنی تحریک کو رکنے نہ دیجئے۔ اللہ تعالی نے قرآن میں دو جگہوں پر اپنے پیغمبر کو مخاطب کرکے فرمایا ہے؛ «فاستقم كما امرت»،(11) «و استقم كما امرت»؛(12) استقامت کا مظاہرہ کیجئے۔ استقامت یعنی پائیداری، یعنی راستے پر اٹل رہنا، حق کے جادے پر آگے بڑھتے رہنا، قدم نہ رکنے دینا۔ یہی کامیابی کا راز ہے۔
ہمیں آگے بڑھتے رہنا ہے، یہ تحریک کامیاب ہے، اس کا مستقبل تابناک ہے، اس کے افق روشن ہیں۔ مستقبل بالکل درخشاں ہے۔ وہ دن ضرور آئے گا جب امت اسلامیہ اللہ تعالی کی نصرت و مدد سے قوت و آزادی کی بلندیوں کو چھو لے گی۔۔۔۔۔(13) مسلمان اقوام اپنی خصوصیات اور تنوع کو باقی رکھتے ہوئے اللہ اور اسلام کے سائے میں جمع ہو جائیں، سب آپس میں متحد رہیں۔ ایسا ہو گيا تو امت اسلامیہ اپنی عظمت رفتہ کو دوبارہ حاصل کر لےگی۔
ہمارے ممالک زمین دوز ذخائر سے مالامال ہیں، ہمارے پاس اسٹریٹیجک اور سوق الجیشی اہمیت کے حامل خطے موجود ہیں، ہمارے پاس بے پناہ قدرتی وسائل ہیں، نمایاں ہستیاں ہیں، با صلاحیت افرادی قوت ہے، ہمیں ہمت سے کام لینا چاہئے۔ اللہ تعالی ہماری ہمتوں میں اور بھی اضافہ کرے گا۔
میں آپ نوجوانوں سے یہ عرض کرنا چاہتا ہوں کہ مستقبل آپ کا ہے۔ اللہ تعالی کی نصرت و مدد سے آپ نوجوان وہ دن ضرور دیکھیں گے اور انشاء اللہ اپنے افتخارات آئندہ نسلوں کو منتقل کریں گے۔
و السلام علیکم و رحمۃ اللہ و برکاتہ
1) حج: 40، اور جو بھی اللہ کی مدد کرے وہ اس کی یقینا مدد کرےگا۔
2) فتح: 20، اللہ نے تم سے بہت سارے فوائد کا وعدہ کیا جو تم کو حاصل ہوں گے۔ پھر (خیبر کے) مال غنیمت سے فورا ہی تم کو بہرہ مند کر دیا اور لوگوں کے ہاتھ تم تک پہنچنے سے روک دیئے کہ اہل ایمان کے لئے یہ ایک نشانی بن جائے اور تم کو سیدھے راستے پر لگا دے۔
3) عنكبوت: 69، اور جنہوں نے ہمارے لئے جہاد کیا ہے ہم انہیں اپنے راستوں کی ہدایت کر دیں گے۔
4) آلعمران: 160، اگر اللہ تمہاری نصرت و مدد کرے تو تم پرکوئی بھی غالب نہیں آ سکے گا۔
5) اللہ اکبر کے نعرے
6) « اللہ اکبر اور لبيك ياخامنهاى کے نعرے
7) «امریکہ مردہ باد کے نعرے
8) فتح: 6، اور منافق مرد اور عورتیں جو اللہ کے بارے میں بدگمانیاں رکھتے ہیں وہ ان سب پر عذاب نازل کرے گا، ان کے سر پرعذاب منڈلا رہا ہے، ان پر اللہ کا غضب ہے اور اللہ نے ان پر لعنت کی ہے۔ ان کے لئے جہنم کی آگ تیار کی ہے اور یہ کس قدر بدترین انجام ہے۔
9) شعار «اسرائيل مردہ باد کے نعرے»
10) اسلامی اتحاد کے حق میں نعرہ «وحدة وحدة اسلامية»
11) هود: 112، پس آپ کو جس طرح کا حکم ملا ہے اس پر ثابت قدم رہیں۔
12) شورى: 15، اور آپ اسی طرح استقامت سے کام لیں کہ جیسا آپ کو حکم ملا ہے۔
13) «هيهات منّا الذّلة کے نعرے»
19m:22s
31710
روزِ انتقام | ترانہ: ابوذر روحی، مصطفیٰ...
کم و بیش ایک صدی کے جبر و استبداد کا جواب، جس الہیٰ معرکے میں دیا گیا، اُس طوفان...
کم و بیش ایک صدی کے جبر و استبداد کا جواب، جس الہیٰ معرکے میں دیا گیا، اُس طوفان الاقصیٰ نے دنیا کی تاریخ کو بدل دیا ہے اور تاریخ کا رخ موڑ دیا ہے۔ اس ترانے میں طوفان الاقصیٰ کی فکری و عملی بنیادوں کو پیش کیا گیا ہے۔ یہ بتایا گیا ہے کہ اس قیام کی بنیاد کیا ہے اور اس کا ہدف کیا ہے۔ اس قیام کا آغاز اگرچہ اہل فلسطین نے کیا ہے، لیکن اس میں شمولیت کا فریضہ تمام عالمِ اسلام اور پورے مزاحمتی محاذ کا ہے۔ روزِ انتقام نامی اس ترانے میں جس کو مصطفیٰ باغبانی نے لکھا اور ابوذر روحی نے پڑھا ہے۔ یہ پیغام بہترین انداز سے پیش کیا گیا ہے۔
#ویڈیو #طوفان_الاقصیٰ #ترانہ #نعرہ_حیدری #صیہونی_زوال #صیہونی_حکومت #طوفان_الاقصیٰ_کی_کامیابی#فلسطین #غزہ #ظلم #ستم#امام_زمانہ
6m:1s
532
Video Tags:
Wilayat
Media,
Production,
Intiqam,
al-Aqsa,
tarana,
Gaza,
falasteen,
palestine,
zionist,
Zulm,
Mustafa
Baghbani,
Abuzar
Roohi,
انتقام,
ترانہ,
ابوذر
روحی,
مصطفیٰ
باغبانی,
جہاد نکاح کا شکار ایک معصوم لڑکی Arabic sub...
شام کے معروف ٹی وی چینل الاخباریہ نے حال ہی میں ایک انٹرویو جاری کیا ہے جس میں 15...
شام کے معروف ٹی وی چینل الاخباریہ نے حال ہی میں ایک انٹرویو جاری کیا ہے جس میں 15 سالہ نوجوان شامی لڑکی نے اپنی آب بیتی سناتے ہوئے اہم انکشافات کیے ہیں۔ انٹرویو میں دہشت گردوں کی جنسی درندگی بننے والی نوجوان لڑکی بتاتی ہے کہ اس کا نام روان میلادالدہ ہے اور 1997 میں پیدا ہوئی تھی۔جس کے باپ کا نام میلاد موسی الدہ ہے۔ہمارا گھرانہ 5 افراد پر مشتمل ہے۔میں ایک کسان کی بیٹی ہوں جو جنگ سے پہلے کھیتوں میں کام کرتا تھا۔ نوجوان لڑکی بتاتی ہے کہ اگر مجھ سے کوئی غلطی ہو جاتی تو گھر والے یقینا مجھے سزا دیتے تھے۔ جب ملک میں احتجاجی مظاہرے ہو رہے تھے تو میرا باپ شامی باغیوں کو گھر میں لاتا تھا۔جن کے ساتھ 3،4 ہتھیار ہوتے تھے۔لیکن میں نہیں جانتی تھی کہ وہ یہاں کیوں آتے تھے۔میں 15 دن سے خوف زدہ تھی کہ میرا باپ، ماں، بہن اور بھائی میرے کمرے میں نہیں آئے اور نہ ہی کسی قسم کی بات چیت کی۔میرے پاس کسی قسم کی کوئی چیز نہیں تھی نہ ٹی وی، نہ ریڈیو اور نہ ٹیلی فون وغیرہ۔میں باتھ روم میں اور جیسے ہی کمرے میں واپس آئی۔میں حیران رہ گئی کہ میرا باپ مجھے خوراک یا جو کچھ میں چاہتی مجھے مہیا کرتا تھا۔لیکن اس نے مجھے گھر سے باہر کچھ بھی کرنے سے منع کر دیا۔ حتی کہ مجھے سکول جانے کی اجازت بھی نہیں دی۔15دن کے بعد میرا باپ میرے پاس آکر کہنے لگاکہ جا کر نہا لو۔میں اپنے کی یہ بات سن کر حیران ہو گئی۔میں نے اپنے کپڑے لیے اور نہانے کے لئے چلی گئی۔جب میں نہا رہی تھی تو ایک شخص اندر آ گیا جس کی عمر50 سال کے قریب تھی۔جس نے کچھ نہیں پہنا ہوا تھا۔ وہ میرے قریب ہونے لگ گیا۔اس نے کسی قسم کا خیال نہ کیا جب کہ چھوٹے سے باتھ میں میں چلا رہی تھی۔اس نے مجھے بالوں سے پکڑا اور کمرے میں لے گیا۔جب کہ چیخنے چلانے کی آوازیں میرا باپ سن رہا تھا۔ لیکن اس نے مجھے اس آدمی سے چھڑانے کی کسی قسم کی کوشش نہ کی۔جو کچھ وہ میرے ساتھ کر سکتا تھا اس نے کیا اور اسی دوران دوسرا آدمی بھی آگیا۔اس نے بھی وہی کیا جو پہلے والا کر چکا تھا۔ جس کے بعد میں ہوش و حواس کھو بیٹھی اور تقریبا 45 منٹ کے بعد مجھے دوبارہ ہوش آیا تو میں نے اپنے باپ کو بلایا جب وہ کمرے میں آیا تو اس سے پوچھا کہ جب میں چیخ اور چلا رہی تھی تو آپ مجھے اس مصیبت سے نجات دلانے کیوں نہیں آئے۔اس نے بتایا کہ یہ سب سہی تھا اور یہ جہاد تھا۔ لہذا آپ اس کو ہر وقت کر سکتی ہو اور مجاہدین آپ کے ساتھ سو سکتے ہیں۔اس سے آپ کے گناہ مٹ جائیں گے اور آپ مرنے کے بعدشہید کہلاو گی اور سیدھا جنت میں جاو گی۔میں نے پوچھا کہ یہ کیسا جہاد ہے؟ جس کے میں مسلسل 23 دن بیمار رہی۔ میں اپنے باپ سے کہا کہ مجھے دوائی لا دو یا ڈاکٹر کو معائنہ کراو لیکن اس نے انکار کردیا۔ صحت یاب ہونے کے بعد دوبارہ سے وہ لوگ آنا شروع ہوگئے۔یہ عرصہ ایک ہفتے تک جاری رہا۔جب بھی میرا باپ ان آدمیوں کو اندر آنے کی اجازت دیتا تو میں ان سے بچنے کی کوشش کرتی لیکن وہ مجھے زیادتی کا نشانہ بنا دیتے۔ایک بار ایک آدمی جس کو میں جانتی تھی کمرے میں آیا میں نے اسے کچھ نہ کرنے کا کہا تو اس نے کہا کہ آپ کا باپ مجھے آپ کے ساتھ سونے سے منع نہیں کرے گا۔ جس کے بعد میرا باپ مجھے نہانے کے لئے کہا لیکن میں وہاں سے فرار ہونا چاہتی تھی۔ گھر کا دروازہ ایک ہونے کی وجہ سے فرار ہونا مشکل تھا۔ اگر وہاں سے فرار ہوتی تو فوجیوں کی نظر میں آجاتی۔ باغی فوجی مجھے زیادتی کا نشانہ بنانے کے بعد کمرے سے باہر نکلے تو میں نے سنا کہ میرا باپ انہیں اس گاوں کو چھوڑنے کا کہ رہا تھا۔ جس کے بعد وہ دوسرے گاوں تصل میں چلے گئے۔اس کے بعد میری والدہ، بھائی اور بہن گھر واپس آئے تو میں نے اپنی والدہ سے پوچھا کہ مجھے اکیلا کیوں یہاں چھوڑ گئے تھے۔لیکن اس نے مجھے بتایا کہ جو کچھ آپ کے ساتھ ہوا ہے اچھا ہوا ہے۔ جس کے بعد اس نے مجھے دھمکی دی کہ کسی کو بتانا نہیں ورنہ آپ کو مار دوں گی۔جب میری ماں باہر جاتی یا واپس آتی تو نہاتی تھی۔وہ اسے ْجہاد النکاح۔کہتی تھی۔ کچھ عرصے کے بعد میرے باپ نے ماں سے کہا کہ وہ مجھے روان لے آئے۔جس سے مجھے فورا خیال آیا کہ وہ مجھے دوسرے گاوں لے جانا چاہتے ہیں جہاں وہ جہاد النکاح کرنےجاتی ہے۔ میں اس کے باوجود ماں کے ساتھ جانے کے لئے آمادہ ہوگئی۔ ہم تصل گاوں جانے کے لئے ٹیکسی میں سوار ہوئےاور جب وہ فوجی چیک پوائنٹ پر رکی۔ تو میں نے چیخنا چلانا شروع کر دیا جس کے باعث ایک فوج میرے پاس آیا اور گاڑی سے باہر نکالا۔ اس نے مجھ سے پوچھا کہ کیوں چیخ رہی ہو تو میں نے اسے سارا واقعہ بتا دیا۔جو میرے ساتھ ہوا تھا۔ انہوں نے مجھے کار میں بیٹھا کر ایک پرامن گھر میں منتقل کر دیا
6m:55s
11251
امیرالمؤمنین امام علیؑ کے مصائب | امام...
ولی امرِ مسلمین امیرالمومنین امام علی علیہ السلام کے مصائب کے کس پہلو کو بیان...
ولی امرِ مسلمین امیرالمومنین امام علی علیہ السلام کے مصائب کے کس پہلو کو بیان فرما رہے ہیں؟ امام علی علیہ السلام کو کس وقت اور کس طرح غسل دیا گیا اور کس وقت دفنایا گیا؟ امام علی علیہ السلام کی قبرِ مطہر کو کیوں مخفی رکھا گیا؟ خاندانِ پیغمبرؐ پر گزرنے والے مصائب کس پر سب سے زیادہ سخت گزرے ہونگے؟
#ویڈیو #مصائب_امیرالمومنین #غسل #کفن #دفن #آدھی_رات #فاطمہ_زہرا #حضرت_زینب_سلام_اللہ_علیہا
2m:51s
8008
Video Tags:
Wilayat,
Media,
WilayatMedia,
AmeerAlMomineen,
ImamAli,
masaeb,
WaliAmreMuslemeen,
SayyidAliKhamenei,
ghusl,
dafnaya,
qabr,
makhfi,
khandan,
paighambar
sakht,
مظلومیتِ امام جعفرِ صادقؑ | نوحہ | سید...
قُلْ لَا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَىٰ۔...
قُلْ لَا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَىٰ۔ (سورہ شوریٰ آیہ،23)
پیغمبرِ اکرم صلی اللہ علیہ وآلہٖ وسلّم کے اہلبیتِ اطھار پوری تاریخ میں مظلوم رہے ہیں اور امّت کی طرف سے ستائے گئے ہیں۔ اے کاش امت اہلبیت علیہم السلام سے دشمنی کے بجائے اُن سے دنیا و آخرت کی فلاح کے لیے رہنمائی حاصل کرتی!
لختِ جگر رسولِ خداؐ جنابِ فاطمہ زہرا اور اُن کے نورِ چشم امام حسنؑ و امام حسینؑ سے لے کر تمام اُن کی اولادوں کے ساتھ امت نے ناروا سلوک رکھا جو اسلامی تاریخ کے صفحے پر مسلمانوں کے کردار پر ایک بدنما داغ ہے۔
امام جعفر صادقؑ جو علم و فضل کا سرچشمہ تھے اور اُس زمانے کی تمام برجستہ شخصیات نے اُن سے کسب فیض کیا مگر پھر بھی اپنے زمانے کے مظلوم ترین شخصیت میں شمار ہوتے ہیں۔ اُن کے گھر کو جلایا گیا، انہیں ستایا گیا اور بالآخر زہر دے کر شہید کردیا گیا۔
اس امامِ مظلوم کی شہادت کی مناسبت سے فارسی نوحہ اردو سبٹائٹل میں پیش خدمت ہے۔
#ویڈیو #نوحہ #امام_جعفر_صادق #مظلومیت #بقیع #خزاں #مصائب #مادر #مدینہ #محسن #محرم
6m:13s
2266
Video Tags:
Wilayat,
Media,
WilayatMedia,
mazloomiyate
imam
jafar
sadiq,
sayyid
majeed
bani
fatemeh,
payghambare
akram,
ahlebait,
ummat,
dushmani,
dunya,
aakherat,
fatema
zahra,
imam
hasan,
imam
husain,
islami
tareekh,
barjasta
shakhsiyat,
zeher
dekar
shaheed
kar
diya,
امام خامنہ ای انقلاب کے عظیم جانباز...
امام خمینیؒ کے اسلامی انقلاب کی تحریک میں بہت لوگوں نے فداکاری اور بہادری کا...
امام خمینیؒ کے اسلامی انقلاب کی تحریک میں بہت لوگوں نے فداکاری اور بہادری کا مظاہرہ کیا اور اپنی جان پر کھیلے اور امام خمینیؒ اور اس تحریک پر کوئی آنچ نہیں آنے دی، ان بہادروں اور فداکاروں میں سے ایک عظیم جانباز اور فداکار، امام خامنہ ای کی شخصیت ہے۔ جب وہ تہران کے امام جمعہ تھے اس وقت مسجد ابوذر میں تقریر کے دوران ان پر قاتلانہ حملہ ہوا اور بم بلاسٹ کیا گیا، جس کے بعد وہ بیہوش ہوگئے اور شدید زخمی ہوگئے جس کے بعد ان کو ہاسپٹل پہنچایا گیا۔ کچھ دن بعد جب وہ خدا کے فضل سے ٹھیک ہوگئے تو ان سے انٹرویو لیا گیا اور اس واقعے کے تناظر میں کچھ سوالات کئے گئے۔
یہ واقعہ کس طرح رونما ہوا؟
رہبر معظم نے اس واقعے کے متعلق کیا فرمایا؟
امام خمینیؒ نے ایک فرزند، شاگرد اور پیروکار کی حیثیت سے ان کے بارے میں کیا کہا؟
رہبر نے امام خمینیؒ کے لئے اپنی محبت کا اظہار کن الفاظ میں کیا؟
لوگوں نے امام خامنہ ای کی نسبت عشق اور محبت کا اظہار کیسے کیا؟
-ان تمام سوالات کا جواب اس وڈیو میں ملاحظہ کریں
#امام #خمینی #انقلاب #تحریک #فداکاری #بہادری #آنچ #عظیم #شخصیت #تہران #جمعہ #ابوذر #تقریر #قاتلانہ #حملہ #بم #فضل #فرزند #شاگرد #مرید #محبت #عشق
3m:19s
9487
Video Tags:
Wilayat,
Media,
WilayatMedia,
imam
Khamenei,
enqelab,
janbaz,
fadakar,
rahbar,
imam
Khomeini,
enqelab
isalmi,
islam,
musalman,
shakhseyat,
tehran,
imam,
jumee,
masjed,
masjed
abozar,
tahrik,
muhabbat,
eshq,
وہ مضبوط ایران کے مخالف ہیں | امام سید...
اسلامی جمہوریہ ایران کے ساتھ امریکہ کی دشمنی کی وجہ صرف اسلامی اقدار پر مبنی...
اسلامی جمہوریہ ایران کے ساتھ امریکہ کی دشمنی کی وجہ صرف اسلامی اقدار پر مبنی جمہوری نظام کا قیام ہی نہیں ہے بلکہ اسلامی جمہوریہ ایران کے ساتھ امریکہ کی دشمنی کے باب میں مختلف وجوہات پائی جاتی ہیں جن میں ایک ایران میں رونما ہونے والا اسلامی انقلاب ہے جس کے نتیجے میں ایران سمیت علاقائی سطح پر امریکہ کا اثر و رسوخ کم سے کم ہوتا گیا اور تیل و گیس کے وسائل پر امریکہ کی گرفت کمزور پڑ گئی اور اسلامی جمہوریہ ایران کا اثر و رسوخ بڑھتا گیا اور ایران آئے دن مضبوط اور قوی ہوتا گیا اور یہی مسئلہ، اسلامی جمہوریہ ایران کے ساتھ امریکہ کی دشمنی کی بنیادی وجہ کے طور پر سامنے آگیا۔
مزید برآن، ایران کے ساتھ امریکیوں کی جانب سے دشمنی کی اور کیا وجوہات ہوسکتی ہیں؟ اور وہ کس طرح کے ایران کے خواہاں ہیں؟ اور شاہ کے دور میں ایرانیوں کو کس طرح کی ذلت اور رسوائی کا سامنا تھا؟
ان تمام تر سوالات کے جوابات سے آگاہی کیلئے ولی امر مسلمین کے بہترین سیاسی تجزئے پر مشتمل اس ویڈیو کو ضرور دیکھئے۔
#ویڈیو #ولی_امر_مسلمین #مضبوط_ایران #اسلامی_جمہوریہ #مخالف #دشمن #پہلوی #حکم #بادشاہ #فیصلے #ذلت_اور_رسوائی #برطانوی_امریکی_سفیر
1m:7s
7995
Video Tags:
Wilayat,
Media,
WilayatMedia,
iran,
imam,
imam
khamenei,
islam,
dushman,
nezam,
enqelab,
america,
siyasat,
mukhalef,
محبتِ خدا کی نشانی | آیت اللہ مصباح یزدی...
قرآنی آیات اور احادیث معصومین علیہم السلام میں اللہ تعالی سے محبت کے حصول پر بہت...
قرآنی آیات اور احادیث معصومین علیہم السلام میں اللہ تعالی سے محبت کے حصول پر بہت زور دیا گیا ہے تاہم محبت کوئی ایسی شئی نہیں جو محض تصور کرنے سے انسان کے دل میں گھر جائے بلکہ اللہ تعالی کی محبت کو دل میں بسانے کیلئے بہت سی مشکلات اور رکاوٹیں پیش آسکتی ہیں اور اللہ تعالی کی محبت کو دل میں اجاگر کرنے کیلئے ان رکاوٹوں کو دور کرنا پڑتا ہے اور اسی کے ساتھ بعض مقدمات کا فراہم کرنا بھی ضروری ہے، چنانچہ بہت سی قرآنی آیات میں اِس موضوع کی جانب اشارہ کیا گیا ہے کہ اللہ تعالی کونسی چیزوں کو پسند کرتا ہے اور کونسی چیزوں کو پسند نہیں کرتا ہے اور خدا کی محبت کا تقاضہ یہ ہے کہ انسان ان چیزوں کو محبوب رکھے جو خدا کو پسند ہیں اور ان چیزوں سے دوری اختیار کرے جو خدا کو ناپسند ہیں۔ چنانچہ اسی تناظر میں قرآن کریم میں اللہ تعالی سے محبت کرنے والے بندوں کی بعض علامات اور نشانیوں کی جانب اشارہ کیا گیا ہے اور انہی علامات کی رو سے انسان اپنے بارے میں آسانی کے ساتھ فیصلہ کرسکتا ہے کہ وہ کس قدر اللہ تعالی سے محبت کرتا ہے؟
اللہ تعالی سے محبت کرنے والے صاحب ایمان افراد کی خصوصیات کیا ہیں؟ دوسرے مومن بھائیوں کے ساتھ انکی رفتار کا طریقہ کار کیا ہے؟ ایمان کے درجات، انسان کے کردار میں کس قدر موثرکردار ادا کرتے ہیں؟ مومنوں کو کس طرح کے کافروں کے ساتھ سختی سے پیش آنا چاہئے؟ خدا کی راہ میں مومنین کو کس چیز سے زیادہ محبت ہوتی ہے؟
آپ، ان تمام سوالات کے جوابات کو علامہ محمد تقی مصباح یزدی رضوان اللہ تعالی علیہ کے علمی بیانات پر مشتمل اس ویڈیو میں ملاحظہ کرسکتے ہیں۔
#ویڈیو #مصباح_یزدی #اللہ #محبت #رحمت #مقدمات #ایمان #انکساری #جہاد #کافر #اخلاق #پیغمبر_اکرم #قرآن #نشانیاں
3m:11s
1516
Video Tags:
Wilayat,
Media,
WilayatMedia,
mohabbat,
ayatollah,
ayatollah
misbah
yazdi,
misbah
yazdi,
neshani,
dunya,
allah,
rahmat,
eiman,
jehad,
akhlaq,
کفر کی حقیقت دنیا پرستی ہے | آیت اللہ...
اسلامی تعلیمات اور معارف اہلبیت علیہم السلام کے تناظر میں دیکھا جائے تو یہ بات...
اسلامی تعلیمات اور معارف اہلبیت علیہم السلام کے تناظر میں دیکھا جائے تو یہ بات واضح ہوتی ہے کہ دنیا کی محبت انسان کورب کریم کی یاد سے غافل کر دیتی ہے اور وہ اس کے حصول کے لئے جائز ناجائزو حرام حلال کی تمیز بھلا بیٹھتا ہے نتیجتاً چند روزہ آسودگی تو شاید اسے حاصل ہو جائے، مگر آخرت کی ناکامی و نامرادی اس کا مقدر بن سکتی ہے۔
یہی وجہ ہے کہ قرآن کریم میں ان لوگوں کیلئے شدید عذاب کا وعدہ کیا گیا ہے جو آخرت کے مقابلے میں دنیا کو ترجیح دیتے ہیں، یہی وجہ ہے کہ روایات میں دنیا کی محبت کو ہر خطاء کی اساس قرار دیا گیا ہے، چنانچہ امیر المومنین علیہ السلام کا ارشاد گرامی ہے کہ آپ نے فرمایا: حُبُّ الدُّنْیَا رَأسُ کُلِّ خَطِیْئَةٍ حب دنیا ہر خطاء کی جڑ ہے۔ دنیا کی اسی خرابی کو پیش نظر رکھتے ہوئے کبھی بھی دنیا کی ظاہری خوبصورتی کو دل میں جگہ نہیں دینا چاہئے، یہ اللہ تعالی کی محبت کو انسان کے دل سے نکال دیتی ہے، کیونکہ دنیا کی محبت اور اللہ تعالی کی محبت میں تضاد پایا جاتا ہے۔ اسی لئے جس دل میں دنیا کی محبت بس جائے اس دل میں اللہ تعالی سے محبت کیلئے کوئی جگہ نہیں ہوتی۔
چنانچہ مذکورہ معارف کو مد نظر رکھتے ہوئے انسان کو دنیا سے کتنی محبت کرنی چاہئے؟ سورہ ابراہیم میں کفار کیلئے شدید عذاب کا جو وعدہ کیا گیا ہے وہ کس بنیاد پر ہے؟ انسان کے دل میں دنیا کی محبت بسنے کا نتیجہ کیا ہوتا ہے؟ دنیا اور آخرت میں ٹکراو کی صورت میں آخرت کو ترجیح دینے کی بنیادی وجہ کیا ہے؟
انہی تمام باتوں کو جاننے کیلئے آیت اللہ تقی مصباح یزدی کے علمی بیانات پر مشتمل اس ویڈیو کو ضرور دیکھئے۔
#ویڈیو #مصباح_یزدی #کفار #دنیاپرستی #عذاب #دنیا #آخرت #راز_و_نیاز #محبت #عبادت #خدا #ترجیح #قرآن
3m:15s
1623
Video Tags:
Wilayat,
Media,
WilayatMedia,
kufr,
haqiqat,
donya,
Ayatollah
Misbah
Yazdi,
Islam,
Ahlul
bayt,
insan,
muhabbat,
Quran,
rawayat,
Imam,
Imam
Ali,
Allah,
eazab,
Akherat,
ebadat,
قرآن کریم میں حزب اللہ کی نشانیاں | آیت...
قرآن کریم میں دو قسم کے گروہوں کا تقابلی جائزہ لیا گیا ہے، ایک گروہ وہ ہے جسے...
قرآن کریم میں دو قسم کے گروہوں کا تقابلی جائزہ لیا گیا ہے، ایک گروہ وہ ہے جسے «حِزْبُ اللہ» یعنی اللہ کا گروہ، کے عنوان سے یاد کیا گیا ہے جس کے بارے میں ارشاد ہوتا ہے: « أَلا إِنَّ حِزْبَ اللَّهِ هُمُ الْمُفْلِحُونَ» آگاہ رہو! اللہ کا گروہ ہی یقیناً کامیاب ہونے والا ہے۔ اور دوسرا گروہ وہ ہے جسے «حزب الشيطٰن» یعنی شیطانی ٹولے کے عنوان سے یاد کیا گیا ہے جس کے بارے میں قرآن کریم میں ارشاد ہوتا ہے: «ِ أَلا إِنَّ حِزْبَ الشَّيْطانِ هُمُ الْخاسِرُون» آگاہ رہو! شیطان کا گروہ ہی یقیناً خسارے میں ہے۔
«حِزْبُ اللہ» کون ہے؟ قرآن کریم میں «حِزْبُ اللہ» کی کونسی نشانیاں بیان کی گئی ہیں؟ اور «حِزْبُ اللہ» کو دنیا اور آخرت میں اللہ تعالی کس طرح کی نعمتوں سے نوازنے والا ہے؟ ان سوالات کے جوابات سے آگاہی کے لیے علامہ مصباح یزدیؒ کے علمی بیانات پر مبنی اس ویڈیو کو ضرور ملاحظہ فرمائیں۔
#ویڈیو #مصباح_یزدی #محبت #اللہ #حزبـاللہ #خوشنودی #جنت #رضایت #ایمان #کافر#جنگ #دنیا #آخرت
3m:9s
1301
Video Tags:
Wilayat,
Media,
WilayatMedia,
video,
mohabbat
,
Allah,
khushnodi,
jannat,
imaan,
kafir
,
jung,
duniya,
akhirat,
میرے ہمیشہ کے دوست؛ امام حسینؑ | فارسی...
«عزیزم حسینؑ 2» فارسی زبان کا مشہور ترانہ ہے جس میں امام حسین علیہ السلام سے عقیدت...
«عزیزم حسینؑ 2» فارسی زبان کا مشہور ترانہ ہے جس میں امام حسین علیہ السلام سے عقیدت کا اظہار کیا گیا ہے اور امام حسین علیہ السلام کی بعض عنایتوں کی جانب اشاره کیا گیا ہے۔ اس ترانے کو امام حسین علیہ السلام کی ولادت با سعادت کے موقع پر ریلیز کیا گیا ہے اور اسے نوجوانوں کے درمیان کافی حد تک مقبولیت حاصل ہوئی ہے۔ اس ترانے کے خالق محمد اسد اللہی ہیں اور انہوں نے عبد الرضا هلالی کے ساتھ مل کر بہت خوبصورت آواز میں جوانوں کی ایک جماعت کے ساتھ اس ترانے کو پرفارم کیا ہے جسے اردو ترجمے کے ساتھ آپ اس ویڈیو میں دیکھ سکتے ہیں۔
#ویڈیو #محمد_اسد_اللہی #سردار #عبد_الرضا_ہلالی #امام_حسین_علیہ_السلام #خوبصورت #دوست #کربلا #قربان #خاندان #مانوس #ملاقات #زیارت
4m:13s
1291
Video Tags:
Wilayat,
Media,
WilayatMedia,
video,
sardar,
khobsorat,
dost,
karbalaa,
qurbaan,
khandan,