Search Result in All

عصرِ حاضر کی مغرور و متکبر فرعونی طاقتیں یہ سمجھتی ہیں کہ وہ اپنے شیطانی حربوں کے ذریعے حق و حقیقیت کا گلہ گھونٹ دیں گے لیکن یہ سنتِ خدا بھی ہے اور خدا کا وعدہ بھی ہے کہ وہ زمین پر کمزور بنائے گئے لوگوں یعنی وہ لوگ جنہیں ظلم کے خلاف صدائے حق بلند کرنے اور مظلومین کی حمایت کے جرم میں کمزور بنا دیا گیا ہے، انہیں ظالموں اور ستمگروں پر غالبہ عطا کرے گا۔ عصرِ حاضر میں اسلامی انقلاب کو اِسی صدائے حق، مظلومین کی حمایت اور ظالموں کی مخالفت کے جُرم میں یہ فرعونی طاقتیں اپنے ہر حربے کے ذریعے چاہے اقتصادی پابندیاں ہو یا اسلامی انقلاب کے برجستہ لوگوں کو اپنے آلہ کاروں کے ہاتھوں دہشت گردی کا نشانہ بنایا جانا ہو، کمزور کرنے کے لیے بھرپور کوشاں ہیں لیکن خداوند متعال کے لطف و کرم سے یہ اسلامی انقلاب مضبوط تر اور آگے کی طرف روان دواں ہے اور انشاء اللہ امّتِ مسلمہ جلد ہی ظالموں کے ایوانوں کو لرزتا دیکھے گی۔ مختصر اور ایمان کو تازہ کرنے والا کلپ دیکھنے کے لیے اِس ویڈیو کا مشاہدہ کیجئے۔ #ویڈیو #عزیز #خون_بہانا #انقلاب #تائید #قتل #ملت #بیدار #موت #ڈر #فائدہ

عاشقانِ اہلبیت علیہم السلام اور مکتب عاشورہ کے پرورش یافتہ جوان کہ جو خداوندِ متعال کی رضا و خوشنودی کی خاطر راہ خدا میں دنیا کے ظالموں اور ستمگروں کے مقابل صبر و استقامت کا مظاہرہ کرتے ہیں اور ایسی طاقتوں کے مقابل جو انسانی معاشرے کو تباہی و بربادی، ظلم و ستم اور مظلوم اقوام اور انسانوں کا استحصال، قتل و غارت گری کے ذریعے اپنی طاقت اور ہوس کی تسکین کرتے ہیں، ڈٹ جاتے ہیں اور اپنے لہو کا نذرانہ پیش کرکے انسانیت کے لیے شمع کی طرح کا کردار ادا کرتے ہیں۔ اُن مقامات اور منازل پر جہاں ایک عارف سو سال کی عمر میں بہت ہی زیادہ محنت و مشقت کے بعد پہنچتا ہے ایک ایسا مخلص و مؤمن جوان، ظالم و جابر طاقتوں سے مبارزہ کرتے ہوئے ایک لمحے اور ایک لحظے میں پہنچ سکتا ہے۔ ولی امرِ مسلمین سید علی خامنہ ای حفظہ اللہ اور مالکِ اشتر زمان شہید قاسم سلیمانی رضوان اللہ علیہ اِس موضوع پر کیا فرماتے ہیں یہ جاننے کے لیے اِس ویڈیو کا مشاہدہ کیجئے۔ #ویڈیو #وصال_کا_دن #جنگ #حق #احساسات #سیر_و_سلوک #شباہت #اخلاص #روحانیت #شہید_قاسم_سلیمانی #کربلائے_5 #صادقی #موسی_پور #حسین_یوسف_الہی #اکبر_موسوی

آفتابِ امامت کے دسویں تاجدار امام علی نقی الہادی علیہ السلام کہ جنہوں نے ایک پُر گھٹن ماحول میں اسلامِ محمدی کی حفاظت کا اپنا الہی فریضہ نبھایا۔ ظالم و جابر حکمران آپؑ کو اپنے شوم اور ظالمانہ عزائم کی راہ میں سب سے بڑی رکاوٹ سمجھتے تھے اِسی لیے آپ علیہ السلام کو ہمیشہ تحت فشار اور زیر نظر رکھا گیا اور بالآخر ان ظالم و ستمگروں نے اپنے آباء و اجداد کی پیروی کرتے ہوئے آپ علیہ السلام کو زہر دے کر شہید کر ڈالا۔ آپؑ کے روضہ مبارک کے فیض سے آج بھی عاشقان اور راہِ حق کے متلاشی فیضیاب ہو رہے ہیں اور ہر کوئی اپنے ظرف کے مطابق ان کے بابرکت روضے سے مستفید ہو رہا ہے۔ امام علی نقی علیہ السلام کی بارگاہ میں پڑھا گیا کلام اردو سبٹائیٹل کے ساتھ پیشِ خدمت ہے۔ #ویڈیو #امام_علی_نقی #حرم #کبوتر #بے_قرار #مولا #درد #غم #اشک #شادابی #نگاہ_کرم

اِنَّ الَّـذِيْنَ اٰمَنُـوْا وَعَمِلُوا الصَّالِحَاتِ سَيَجْعَلُ لَـهُـمُ الرَّحْـمٰنُ وُدًّا۔’’بے شک جو ایمان لائے اور نیک کام کیے عنقریب رحمان ان کے لیے محبت پیدا کرے گا۔‘‘(سورہ مریم، آیہ:96) خداوندِ متعال ایسے افراد کی محبت لوگوں کے دلوں میں پیدا کرتا ہے جو اُس کی اطاعت میں سر خم کئے ہوئے ہوں اور خداوندِ متعال کے مقرب بندوں کے راستے پر چلتے ہوئے دنیا کے محرومین اور مظلومین کی فریاد رسی کرتے ہوں اور انہیں عَالَمی شیطانی طاقتوں کے چنگل سے آزادی دلانے کے لیے آواز بلند کرتے ہوں اور اِس راستے میں استقامت سے کام لیتے ہوں۔ عصر حاضر میں ایک شخص جو مکتبِ عاشورہ کا حقیقی شاگرد ہے جو خمینی بت شکن کے عاشورائی راستے پر گامزن ہے اور کفر و نفاق سے بر سرِ پیکار ہے اور اِس راستے میں ملامت کرنے والوں کی ملامت کی پروا نہیں کرتا ہے اور مسلمانوں کو باہمی اتحاد و بھائی چارگی کی دعوت دیتا ہے اور ظالمین و ستمگروں کی آنکھوں کا کانٹا ہے وہ منجی بشریت صاحب الزمان کے نائبِ برحق، سید علی خامنہ ای حفظہ اللہ ہیں۔ جن کی تمجید دوست تو دوست دشمن بھی کرنے پر مجبور ہیں۔ خوبصورت عربی ترانہ اردو سبٹائٹل کے ساتھ پیشِ خدمت ہے۔ #ویڈیو #عمر #عاشق_کوثر #خامنہ_ای #کشتی_عشق #اطاعت #فاطمی #خورشید #مشک