Search Result in All

اس ویڈیو میں سورہ البقرہ کی آیت نمبر ۱۷ سے ۲۰ کی تفسیر بیان کی گئی ہے۔ منافق کی صورت حال کو سمجھانے کے لئے دو مثالیں پیش کی ہیں۔ ایک مثال میں منافق کو اس شخص سے تشبیہ دی ہے جو اندھیری رات میں بڑی مشکل سے آگ جلا کر روشنی کا بندوبست کرتا ہے لیکن خدا اس کے نور کو ختم کر دیتا ہے جس کی وجہ سے اسے کچھ نظر نہیں آتا۔ دوسری مثال میں منافق کی حالت سمجھانے کے لئے کہا ہے کہ گویا یہ خطرناک بارش میں پھنس چکا ہو، اس بارش میں کڑک، گرج اور چمک ہو اور اپنی جان بچانے کے لئے اپنی انگلیاں کانوں میں ڈال لیتے ہیں۔ بجلی کی چمک کی وجہ سے تھوڑا سا سفر طے کرتے ہیں پھر رک جاتے ہیں۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۲۳ اور ۲۴ کی تفسیر بیان کی گئی ہے۔ ان آیات میں قرآن نےمنکروں کو چیلنج کیا ہے کہ اگر تمہارا یہ دعوی ہے کہ قرآن اللہ کا کلام نہیں ہے اور رسول خدا نے خود گھڑا ہے یا کسی بشر نے ان کو تعلیم دیا ہے تو اس جیسا ایک سورہ لے کر آو اور اس کام میں اپنے تمام حمایتوں سے مدد بھی لے سکتے ہو۔ اس کے بعد قرآن نے غیبی خبر کے ذریعے یہ بھی بتایا ہے کہ تا قیام قیامت ان میں یہ ہمت نہیں ہو گی کہ قرآن جیسا کوئی کلام پیش کر سکیں۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۲۵ کی تفسیر بیان کی گئی ہے۔ پروردگارعالم نے ایمان لانے والوں اور اعمال صالح بجا لانے والوں کو بشارت دی ہے۔ ان اعمال کے بدلے مومنین کے لئے باغات ہیں جن کے نیچے نہریں جاری ہیں، جب جنتیوں کو پھلوں کا رزق دیا جائے گا تو وہ کہیں گے یہ تو وہی ہے جو ہمیں اس سے پہلے دیا جا چکا ہے۔ اس سے مراد یہ بھی ہو سکتی ہے کہ اس طرح کے پھل ان کو دنیا میں مل چکے ہونگے، یا عالم برزخ میں کھا چکے ہونگے، یا جنت میں اس طرح کے پھل کھا چکے ہونگے کیونکہ جنت میں جب ایک پھل توڑا جاتا ہے تو فوری طور پر اس کی جگہ دوسرا پھل آ جائے گا۔ ان کے لئے پاک جوڑے ہونگے اور ان کو جنت سے کبھی نہیں نکالا جائے گا، ہمیشہ ہمیشہ کے لئے اس میں رہیں گے۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۲۶ اور ۲۷ کی تفسیر بیان ہوئی ہے۔ اس آیت میں ان لوگوں کی بات ہوئی ہے جو اللہ کی دی گئی مثالوں پر اعتراض کرتے ہیں۔ خدا اس قسم کی مثالوں کے ذریعے ایک گروہ کی ہدایت کرتا ہے اور ایک گروہ کو گمراہ کرتا ہے۔ خدا کے کاموں پر اعتراض کرنے والے فاسق ہوتے ہیں، یہ لوگ اللہ کے ساتھ کئے گئے وعدوں کو توڑ دیتے ہیں، جن رشتوں کے جوڑنے کا خدا نے حکم دیا ہے ان سے قطع تعلقی کر لیتے ہیں، اپنے غلط کاموں کے ذریعے زمین میں فساد پھیلاتے ہیں، درحقیقت یہی لوگ خسارے میں ہیں۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی ۲۸ اور ۲۹ کی تفسیر بیان کی گئی ہے۔ ان آیات میں انسان کے کافر ہونے پر تعجب کیا گیا ہے، انسان کامومن اور مسلمان ہونا قابل تعجب نہیں بلکہ اگر کوئی انسان خدا کا انکار کرتا ہے تو وہ قابل غور ہے، کیونکہ وہ فطرت و عقل کے خلاف قدم اٹھا رہا ہے۔ انسان اگر اپنی خلقت اور کائنات کی تخلیق کے اسرار پر غور و فکر کرے تو اس کو ہر طرف خدا نظر آئے گا۔ انسان کے اندر ایک پوری کائنات ہے، خداوندعالم نے زمین و آسمان اور ان میں جو کچھ ہے انسان کے لئے پیدا کیا ہے لیکن انسان کو اپنی اطاعت اور عبادت کے لئے خلق کیا ہے۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۳۰، ۳۱ اور ۳۲ کی تفسیر بیان ہوئی ہے۔ ان آیات میں اس بات کی وضاحت کی گئی کہ پروردگار عالم نے حضرت آدم کی داستان کے ذریعے ہمیں سمجھایا ہے کہ انسان کا حقیقی مقام کیا ہے؟ایک اور اہم مطلب جو ان آیات میں بیان ہوا ہے وہ یہ کہ خلیفہ کا انتخاب انسان نہیں بلکہ خدا کرتا ہے۔ خداوندعالم نے فرشتوں کے اعتراض کی نفی نہیں کی کہ انسان خونریزی نہیں کرے گا بلکہ فرمایا: جو کچھ میں جانتا ہوں تم نہیں جانتے، یعنی پروردگار کی نظر اس انسان کے ایسے کارناموں پر تھی جو فرشتوں کی سوچ سے بالا تر تھے یا یہ کہ خدا کی نظر میں انبیاء اور معصومین اور اولیاء خدا کا سلسلہ تھا۔ ان آیات کے لب و لہجہ سے یہ بھی معلوم ہوتا ہے کہ خداوندعالم نے فرشتوں کو کچھ ہستیوں اور ذوات کے نام تعلیم دئیے کیونکہ\" ھم\" کا لفظ معمولا انسانوں اور ذوی العقول کے لئے استعمال ہوتا ہے۔ #quran #surahalbaqarah #tafseer #tafseerquran #maulanasyednaseemabbaskazmi

اس  آیت  میں سورہ  بقرہ کی آیت نمبر ۳۳  اور ۳۴  کی تفسیر  بیان کی گئی ہے  اور یہ  بتا یا گیا ہے کہ کیا غیر خدا کو سجدہ کیا جا سکتا ہے یا نہیں؟ حضرت آدم(ع) کو اسماء کی تعلیم دینے کے بعد حضرت آدم(ع) کو حکم ہوا کہ فرشتوں کو ان اسماء سے با خبر کیجئے ،اس امتحان سے معلوم ہوا کہ فرشتوں میں وہ توانائی  اور  استعداد نہیں جو انسان کامل میں ہے لہذا  فقط انسان خلیفہ الہی بننے کا مستحق قرار پایا، اور  اس  امتحان سے  یہ  بات بھی سمجھ میں آتی ہے کہ خدا  کا  ڈائریکٹ شاگرد بننے کی صلاحیت فقط انسان میں ہے، فرشتے، انسان کامل کے شاگرد  ہیں۔  انہی آیات میں فرشتوں کے  حضرت آدم(ع) کو سجدہ کرنے اور ابلیس  کے  انکار  کا  ذکر بھی موجود ہے، ان آیات سے یہ بھی واضح ہوا کہ ابلیس نے پہلے سے اپنے کفر کو چھپایا  ہوا تھا۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۳۵، ۳۶ اور ۳۷ کی تفسیر بیان ہوئی ہے۔ حضرت آدم اور حوا( علیهما السلام) کا جنت میں رہائش پذیر ہونا، ابلیس کا ان کو پھسلانے کی کوشش کرنا یہ سب ایک پلاننگ کے تحت تھا اور درحقہقت ایک تمثیل تھی ، تا کہ انسان کو زمین پر جانے کے لئے تیار کیا جا سکے لہذا اس کو ٹریننگ دی اور زمین پر درپیش خطرات سے اس کو آگاہ کیا جائے۔ ابلیس اور انسان کی دشمنی کا آغاز جنت سے ہوا اور تا قیامت یہ سلسلہ جاری رہے گا۔ حضرت آدم کی فضیلت اسی بات میں ہے کہ غلطی کے بعد فوری طور پر توبہ کی، لیکن ابلیس اپنی غلطی کے بعد ڈٹا رہا اور توبہ نہ کی۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۴۵، ۴۶، ۴۷ اور ۴۸ کی تفسیر بیان ہوئی ہے۔ ہم مشکلات اور سختیوں میں کس سے مدد مانگیں؟ نماز کسے مشکل لگتی ہے؟ کیا بنی اسرائیل پوری دنیا سے افضل ہیں؟ کیا قیامت میں کسی کی شفاعت نہیں ہو گی؟ ان سوالات کے جوابات اس کلیپ میں مل سکتے ہیں؟ صبر کے معنی ہیں استقامت اور ڈٹ جانے کے ، روزہ صبر کا ایک مصداق ہے۔ خاشعین وہ لوگ ہیں جنہیں اپنے رب کی ملاقات کی فکر رہتی ہے۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۴۹، ۵۰، ۵۱ اور ۵۲ کی تفسیر بیان کی گئی ہے۔ خدا وندعالم کا بنی اسرائیل پر سب سے بڑا احسان کیا تھا؟ ان کے بیٹوں کو ذبح کرنے کا فلسفہ؟ ان کی بیٹیوں کو زندہ رکھنے کی وجہ؟ اسی راستے سے بنی اسرائیل نے کیسے نجات پائی اور فرعونی کیسے ہلاک ہوئے؟ سمندر کا بنی اسرائیل کے لئے شق ہو جانا بہت بڑی نعمت تھی، اسی طرح انہیں آسمانی کتاب کا ملنا بھی بہت بڑی نعمت ہے لیکن انہوں نے ان نعمتوں کی قدر دانی نہیں کی، خدا کا ان کو معاف کر دینا کہ شاید ان کی اصلاح ہو جائے۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۵۳ اور ۵۴ کی تفسیر بیان کی گئی ہے۔ حضرت موسی (علیه السلام )کو تورات اور فرقان دینے کا مقصد بنی اسرائیل کی ہدایت تھی لیکن انہوں نے اس سے ہدایت نہ لی۔ کلیم اللہ کے کوه طور پر جانے کے بعد بنی اسرائیل گوسالہ پرستی میں لگ گئے جسے قرآن نے ظلم کہا ہے لہذا اس گناہ کی سزا گناہگاروں کا قتل ہے۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیات نمبر ۵۵، ۵۶ اور ۵۷ کی تفسیر بیان ہوئی ہے اس کلیپ میں مندرجہ ذیل سولات اور ابحاث کے جواب مل سکتے ہیں: حضرت موسی( ع )سے خدا کو آنکھوں سے دیکھنے کا مطالبہ اور اس کا انجام کیا ہوا؟ صحراے سینا میں دھوپ اور گرمی سے بچنے کے لئے خدا نے بنی اسرائیل کو کس نعمت سے نوازا؟ صحراے سینا میں ان کے کھانے کا بندوبست خداوندعالم نے کیسے کیا؟ کیا گناہ کے ذریعے انسان خدا پر ظلم کرتا ہے؟ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۷۰ ، ۷۱ اور ۷۲ کی تفسیر بیان کی گئی ہے۔ اگرچہ بنی اسرائیل نے گائے کے ذبح کے مسئلے میں بہت زیادہ بہانے بنائے لیکن ایک مقام پر پہنچ کر کہا اگر خدا نے چاہا تو ہم اس خاص گائے کو ڈھونڈھ لیں گے، اگر یہ جملہ زبان پر نہ لاتے تو کبھی بھی اس گائے کو نہ ڈھونڈھ سکتے اور خدا کی طرف سے شرائط میں اضافہ ہوتا رہتا۔ گائے کے اوصاف میں پروردگار نے فرمایا کہ وہ رام نہ ہو، کھیتی کو پانی دینے والی نہ ہو اس میں بھی بنی اسرائیل کو سمجھایا جا رہا کہ ذلت کی زندگی نہیں گزارنی چاہیے۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۷۳ اور ۷۴ کی تفسیر بیان کی گئی ہے۔ گائے کے ذبح کے ذریعے خدا نے ایک مردے کو زندہ کیا جس نے اپنے قاتل کا بتایا اور اسی طرح خدا قیامت کے دن مردہ زمین سے انسانوں کو زندہ کرے گا۔ اتنے معجزات دیکھنے کے بعد بنی اسرائیل کے دل پتھر سے زیادہ سخت ہو گئے کیونکہ بعض پتھروں سے چشمے پھوٹتے ہیں،بعض پتھر خوف خدا سے گرتے ہیں لیکن بعض انسانوں کی آنکھوں سے آنسو نہیں نکلتے، یہ کبھی خدا کے سامنے سجدہ ریز نہیں ہوتے لہذا یہ پتھر سے بھی پست ہیں۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۸۰ اور ۸۱ کی تفسیر بیان کی گئی ہے۔ ان آیات میں یہودیوں کے اس نعرے کی نفی کی گئی ہے جو وہ کہتے تھے کہ ہم اگر جہنم میں گئے تو فقط چند دن کے لئے جائیں گے، خدا کے ہاں جنت اور جہنم میں بھیجنے کے اصول ہیں ایسا نہیں کہ کسی کے لئے ایک اصول ہو اور کسی دوسری قوم کے لئے کوئی اور اصول ہو۔ جو بھی گناہ انجام دے اور گناہ کی کیفیت اس پرحاوی اور طاری ہو جائے جس سے انسان بچ نہ سکے تو ایسے افراد جہنم میں جائیں گے۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۸۲ اور ۸۳ کی تفسیر بیان کی گئی ہے۔ ان آیات میں جنت میں جانے کے اصول کو بیان کرنے کے ساتھ ساتھ قرآن نے اس عہد و پیمان کا تذکرہ کیا ہے جو بنی اسرائیل سے لیا البتہ یہ ایسے احکامات ہیں جن کا پوری بشریت اور ہر دین و مذہب کے لوگ مخاطب ہیں۔ غیر اللہ کی عبادت نہ کرنا، والدین کے ساتھ حسن سلوک، قریبی رشتہ داروں، یتیموں اور مسکینوں کا خیال رکھنا اس عہدو پیمان کا حصہ ہے۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۸۴ اور ۸۵ کی تفسیر بیان کی گئی ہے۔ ان آیات میں اہل کتاب کے ان عہدوں کا تذکرہ ہے جن کے انجام دینے سے انہیں روکا گیا لیکن وہ نہیں رکے اور ان کی عادت تھی کہ شریعت کے بعض احکامات پر عمل کریں اور بعض احکامات کی مخالفت , لہذا قرآن نے ان آیات میں ایسے افراد کی مذمت کی ہے اور ان آیات میں مسلمانوں کےلئے بھی اہم پیغام موجود ہے۔۔۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۸۷ اور ۸۸ کی تفسیر بیان کی گئی ہے۔ ان آیات میں بنی اسرائیل کا انبیاء کے مقابلے میں جو رد عمل تھا اس کو بیان کیا گیا ہے, دو بڑے کام کئے انہوں نے, بعض کو قتل کر دیا اور بعض کی تکذیب کی اور مختلف قسم کے بہانے بناتےتھے لہذاخدا نے ان پر لعنت کی اور ان کو اپنی رحمت سے دور کر دیا۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۸۹ اور ۹۰ کی تفسیر بیان کی گئی ہے۔ ان آیات میں بنی اسرائیل کے قرآن کو قبول نہ کرنے کا تذکرہ ہے، انہوں نے قرآن کی شناخت کے باوجود اس کو نہ مانا لہذا لعنت خدا کے مستحق قرار پائے۔ قرآن نے ان کے انکار کی وجہ حسد اور ضد بتائی ہے لہذا یہ انہوں نے بہت برا معاملہ کیا اور اسی وجہ سے غضب الہی کے مستحق بنے۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۹۱ اور ۹۲ کی تفسیر بیان کی گئی ہے۔ ان آیات میں اہل کتاب کے اس رد عمل کو بیان کیا گیا ہے جو مومنین کے مقابل میں تھا, مومنین ان کو ایمان لانے کی دعوت دیتے تھے لیکن وہ کہتے تھے ہم اپنی کتاب پر مومن ہیں لہذا قران پر لانے کی کیا ضرورت ہے تو قرآن نے ثابت کیا ہے کہ تم اپنی کتابوں پر بھی ایمان نہیں رکھتے ہو۔۔۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۹۳ کی تفسیر بیان کی گئی ہے۔  اس آیت میں بنی اسرائیل کی مذمت کرتے ہوئے فرمایا ہے کہ کیا تمہارے ایمان نے تمہیں گوسالے کی پرستش کی دعوت دی؟ کیا تمہارے ایمان نے تمہیں  الہی احکامات پر عمل  نہ کرنے کی دعوت دی؟ ایسا ہر گز نہیں پس معلوم ہوا تم اپنی کتابوں اور پہلے والے انبیاء پر بھی ایمان نہیں رکھتے ہو۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر ۹۴, ۹۵ اور ۹۶ کی تفسیر بیان کی گئی ہے۔ ان آیات میں یہودیوں کی دنیا پرستی کو بیان کیا گیا ہے, اتنے دنیا پرست ہیں کہ بڑے بڑے نعرے لگانے کے باوجود موت کی تمنا نہیں کرتے, اور انسان کے موت سے ڈرنے کی وجہ کو بھی ان آیات میں بیان کیا ہے۔ قرآن نے یہودیوں کو دنیا میں رہنے کا سبب سے بڑا خواہش مند بتایا ہے لیکن لمبی زندگی انسان کو عذاب خدا سے نہیں بچا سکتی۔ #quran #surahalbaqarah #tafseer #tafseerquran #maulanasyednaseemabbaskazmi

اس ویڈیو میں سورہ بقرہ کی آیت نمبر 102کے ایک حصے کی تفسیر بیان کی گئی ہے۔ اس آیت میں قرآن کریم نے بتایا ہے کہ اگر اقوام کتاب خدا، دین اور شریعت سے دوری اختیار کرتی ہیں تو وہ جادو عملیات اور خرافات کے پیچھے چل پڑتی ہیں۔ حضرت سلیمان کی خدمت میں کیوں کہ جن اور پرندے بھی تھے تو بعض یہودیوں نے کہنا شروع کر دیا حضرت سلیمان جادو کے ذریعے حکومت کرتے تھے تو قرآن نے ان کے اس غلط عقیدے کو رد کیا ہے۔ خدا نے ان کے امتحان کے لئے فرشتے بھیجے وہ ان سے توڑ کے لئے جادو سیکھنے کی بجائے میاں بیوی کے درمیان جدائی جیسے شیطانی کاموں میں استعمال کرنے لگے۔۔۔

اس ویڈیو میں سورہ بقرہ کی آیت نمبر ۱۰۲ کے دوسرےحصے اور ۱۰۳ کی تفسیر بیان کی گئی ہے۔ ان آیات میں بتایا گیا ہے کہ جادو کبھی اپنا اثر دکھاتا ہے اگرچہ نفسیاتی طور پر ہی کیوں نہ ہو اور اس کے ذریعے میاں بیوی کے درمیان جدائی ہو سکتی ہے۔ البتہ جادو کا اثر مشیت خدا کے سایے میں ہوتا ہے یعنی خدا انسانوں کی آزمائش کے لئے ان کو اپنے حال پر چھوڑ دیتا ہے وگرنہ خدا اپنے قہری ارادہ سے اس کے اثر کو روکنا چاہے تو جادوگر کچھ نہیں کر سکتا۔ ان آیات میں یہ بھی بتایا ہے کہ جادو کے ذریعے کی گئی تجارت بری تجارت ہے۔

اس ویڈیو میں سورہ بقرہ کی آیت نمبر 104 اور 105 کی تفسیر بیان کی گئی ہے۔ مسلمان رسول خدا (صلی اللہ علیہ و آلہ و سلم )کی محفل میں جب آتے تھے تو گفتگو کے دوران اگر انہیں کسی چیز کی سمجھ نہیں آتی تھی تو راعنا کا لفظ بولتے یعنی ہماری رعایت فرمائیں لیکن اسی لفظ کو یہودیوں نے اک گالی کے معنی میں استعمال کرتے ہوئے رسول خدا اور مسلمانوں کی توہین شروع کر دی تو قرآن نے کہا تم اپنے لفظ بدل ڈالو۔ لہذامسلمانوں کو پروردگارعالم نے ایک اہم بات کی طرف متوجہ کیا ہے کہ اگر تمہارے کسی صحیح کام سے دشمن غلط فائدہ لے رہا ہو اور تمہارے خلاف پروپیگنڈہ کر رہا ہوتو تم اپنی روش اور اپنے کام اور اپنی گفتگو کا انداز بدل ڈالو تاکہ وہ اس سے سوء استفادہ نہ کر سکے۔

اس ویڈیو میں سورہ بقرہ کی آیت نمبر108، 109 اور 110 کی تفسیر بیان کی گئی ہے۔ ان آیات میں مسلمانوں کو بے جا سوالات اور بے جا درخواستیں کرنے سے روکا گیا ہے اور ایسے افراد کو حضرت موسی علیہ السلام کے ان پیروکاروں سے تشبیہ دی گئی ہے جو ان سے بے جا درخواستیں کیا کرتے تھے، یہ کام انسان کو ایمان سے کفر کی طرف لے کر جا سکتا ہے اور اہل کتاب کی تو پہلے سے یہی خواہش ہے کہ مسلمان بھی ایمان سے ہاتھ دھو بیٹھیں کیونکہ وہ مسلمانوں سے حسد کرتے ہیں۔

اس ویڈیو میں سورہ بقرہ کی آیت نمبر111 اور112 کی تفسیر بیان کی گئی ہے۔ ان آیات میں یہود و نصاری کا ایک اور غلط عقیدہ بیان کیا گیا ہے وہ یہ کہ ہمارے علاوہ جنت میں کوئی نہیں جا سکے گا اور آج ممکن ہے کئی مسلمان فرقے بھی یہی نعرہ لگا رہے ہوں لہذا یہ نعرہ ٹھیک نہیں بلکہ قرآن کے نزدیک معیار ایمان و تسلیم اور عمل صالح ہے چنانچہ تمام فرقوں کو اس قسم کے خیالی نعروں سے بچنا چاہیے۔

اس ویڈیو میں سورہ بقرہ کی آیت نمبر 113 اور 114 کی تفسیر بیان کی گئی ہے۔ ان آیات میں اہل کتاب کی اس بری عادت کا تذکرہ ہے جو وہ ایک دوسرے کی نفی کرتے تھے ،یہودی عیسائیوں کو باطل پہ سمجھتے تھے اور عیسائی یہودیوں کو باطل پر سمجھتے تھے اور آج بھی یہی سلسلہ جاری ہے۔ اسی طرح وہ افراد، وہ فرقے جو مساجد میں ذکر خدا سے روکیں ان کو ظالم ترین شخص کہا گیا ہے۔