Search Result in All

[20 Mar 2013] Bank Mellat challenging UK\'s sanctions policy - English

The UK supreme court has ruled that the British government\'s sanctions on Iranian Bank Mellat are illegal and should be overturned. The case was controversial because it was the first ever supreme court case to hear secret evidence in a closed door session. Press TV\'s Nargess Moballeghi reports from London.

شہید کی جو موت ہے وہ قوم کی حیات ہے۔ عصرِ حاضر کی شیطانی اور فرعونی طاقتوں کے مقابل برسرِ پیکار اور مکتبِ عاشورہ کے پرورش یافتہ عاشقان حسین علیہ السلام جو باطل قوتوں کی آنکھوں کا ہر پل کانٹا بنے ہوئے ہیں اور اُن کے مذموم عزائم کے راستے میں مضبوط رکاوٹ بنے ہوئے ہیں اِسی لیے یہ شیطانی اور باطل طاقتیں اپنے زرخرید غلاموں کے ذریعے اِس حسینی اور اسلامی انقلاب کے خدمت گزار افراد کو شہید کر کے اپنے تئیں یہ سمجھتے ہیں کہ اب اُن کے سامنے مزاحمت کم ہوجائے گی اور اُن کے شیطانی راستے میں ایک رکاوٹ کم ہو جائے گی مگر وہ اِس بات کو سمجھنے سے قآصر ہیں کہ ایک شہید کا خون پوری ملت کے اندر اور پورے معاشرے کے اندر وہ توانائی پیدا کر دیتا ہے کہ جس سے مزید ہزاروں بلکہ لاکھوں شہید پرورش پاتے ہیں۔ اسلامی انقلاب کے مایہ ناز اور عظیم سائنسدان کی شہادت پر اُن کی زوجہ محترمہ کا انٹرویو سننے کے لیے اِس ویڈیو پر کلک کیجئے۔ #ویڈیو #شہید_مخری_زادہ #امام_زمانہ_عجل_اللہ_فرجہ_الشریف #ایمان #عاشق #اخلاقی_صفات #سائنسدان #خون #تعزیت #مبارک_باد

یہ غازی، یہ تیرے پُر اسرار بندے جنھیں تُو نے بخشا ہے ذوقِ خدائی عصرِ حاضر کے فرعونوں، نمرودوں اور یزیدوں کے مذموم عزائم کو خاک میں ملانے والی قیادت اور ملت کہ جس نے دنیا کی تمام عَالَمی شیطانی طاقتوں اور اُس کے چیلوں اور اُس کے تلوے چاٹنے والے پست ترین حکمرانوں کے شیطانی عزائم کو خاک میں ملایا اور مختلف میدانوں میں اُن کو ذلیل و رسوا کر کے دنیا کے تمام مظلومین و کمزور لوگوں کو بالخصوص اسلامی امت کو یہ نمونہ دکھا دیا ہے کہ اگر باہمی اتحاد و یگانگت اور عزم و ارادے کے ساتھ ان انسانیت دشمن طاقتوں کے مقابل ڈٹ جایا جائے اور ثابت قدمی دکھائی جائے اور بصیرت و بیداری کے ساتھ آگے بڑھا جائے تو انہیں شکست دی جاسکتی ہے۔ ولی امرِ مسلمین سید علی خامنہ ای حفظہ اللہ جو آج تک دنیا کے عَالمی شیطانوں اور بدمعاشوں کے خلاف ’’ھَل مِن ناصِر یَنصُرنا‘‘ کی صدا بلند کئے ہوئے ہیں، اُن کے مخلتف مواقع پر استعمار شکن بیانات سننے کے لیے اِس ویڈیو کا مشاہدہ کیجئے۔ #ویڈیو #منبر_مقاومت #امام_خمینی #امریکہ #شیطان #منفور_ترین #انتقام #صحرائے_طبس #مشرق_وسطی #قبرستان #بیداری #بصیرت

حجتِ الہی اور ولی خدا وہ باعظمت ذات اور ہستی ہے کہ جو خدا پر ایمان کے مرحلے میں توکل کی عظیم منزل پر فائز ہوتا ہے اور راہِ الہی میں درپیش مشکلات اور دشمنوں کے سامنے اس کی استقامت اور صبر کا کسی بھی عادی انسان سے موازنہ نہیں کیا جا سکتا۔ اسی کا ایک نمونہ فرعون اور اس کے لشکر کے مقابلے میں حضرت موسیٰ کی استقامت اور ان کا صبر ہے۔ کہ دشمن کے سر پر پہنچ جانے کے بعد بھی وہ بہت ہی سکون اور اطمینان کی کیفیت میں رہتے ہیں اور خدا پر مکمل بھروسہ کرتے ہیں۔ اور یہی ولیِ خدا اور الٰہی رہبر کا اطمینان ہی ہوتا ہے جو ملت کو سکون بخشتا ہے اور اسے بکھرنے اور ٹوٹنے سے بجاتا ہے۔ اسی کا ایک اور نمونہ ہمارے اس معاشرے میں عظیم الٰہی انسان، امام خمینیؒ کی رہبری کا ہے۔ کیا آپ کو یاد نہیں کہ تہران پر بمباری کے سبب لوگوں میں بے چینی پیدا ہوئی تو یہ الہی انسان اور عظیم رہبر کس قدر پرسکون اور اطمینان کی کیفیت میں تھے؟ اس کے اطمینان بخش جملے نے کس طرح پوری ملت کو اطمینان دے دیا؟ اس وڈیو میں آپ ولی خدا اور انہی کی راہ پر قائم رہبر عظیم امام خمینیؒ کی استقامت کی طرف اشارہ کیا گیا ہے جو جس میں ہمارے لئے بہت بڑا درس ہے۔ #حجت #الہی #عظیم #توکل #مشکلات #دشمن #استقامت #صبر #فرعون #اطمینان #بھروسہ #امام #خمینی #تہران

امام حسینؑ کا مکتب ایک عظیم مکتب ہے، جس نے انسانیت کو اپنی طرف کھینچا ہے، یہاں تک کہ بچے بھی خود کو امام حسینؑ کی ملت کہہ رہے ہیں۔ بچوں کی زبان پر ایک ہی نعرہ ہے کہ ہم امام حسینؑ کا لشکر اور ان کی ملت ہیں۔ یہی بچے ہیں جنہوں نے کربلا کے بعد شام تک اسی امامؑ کے مکتب کی ترویج کی اور شام کی مصیبتوں کے فاتح بنے۔ حضرت زینب سلام اللہ علیہا وہ عظیم ہستی ہیں جو شام کی فاتح ہیں، جنہوں نے دشمن کے چہرے کو بے نقاب کردیا۔ ان کے نقش قدم پر چلتے ہوئے آج امام حسینؑ کا لشکر بن کر ہر سال اربعین پر یہی عہد کر رہے ہوتے ہیں کہ ہم امام حسینؑ کے پرچم تلے اپنے آقا مولا امام زمانہؑ کی رکاب میں ہیں۔ اسی احساس اور جذبے کا ان حماسی اشعار میں اظہارِ خیال کیا گیا ہے جسے اردو ترجمے کے ساتھ آپ کی خدمت میں پیش کر رہے ہیں۔ #امام #حسین #مکتب #عظیم #انسانیت #ملت #نعرہ #لشکر #کربلا #شام #ترویج #مصیبتوں #فاتح #دشمن #چہرے #بےنقاب #اربعین #رکاب #احساس #جذبے #حماسی

اسلامی انقلاب ہمیشہ سے دنیا کی مظلوم اور کمزور اقوام کا حامی رہا ہے خواہ وہ فلسطینی قوم ہو یا شامی قوم ہو یا عراقی قوم ہو یا یمنی قوم ہو یا کشمیری قوم ہو یا بوسنیا کی قوم ہو یا برما کی قوم ہو یا افغانستان کی مظلوم قوم ہو۔ افغانستان کے موجودہ حالات کے حوالے سےاسلامی انقلاب کا کیا موقف ہے؟ کیا اسلامی جمہوریہ ایران کسی خاص گروہ یا حکومت کی حامی ہے؟ کسی بھی دوسرے ملک کے ساتھ اسلامی جمہوریہ ایران کے روابط کا انحصار کس بات پر ہوتا ہے؟ اِن تمام سوالات کے جوابات کے لیے اِس ویڈیو کا مشاہدہ کیجئے۔ #ویڈیو #حمایت_ملت_افغانستان #طرفدار #افغان_عوام

کربلا درسِ زندگی ہے، ایک ایسا درس جو ظلمت، ظلم، فساد اور انسانی اقدار کی پائمالی کے اندھیروں سے نکلنا سکھاتا ہے۔ کربلا اور عاشورا انسانیت کی نجات کا ایک عظیم الشان مثالی نسخہ ہے۔ اگر کوئی شخص، کوئی معاشرہ اور کوئی قوم ذلت، ظلم، استحصال اور غیروں کے جابرانہ تسلط سے آزادی حاصل کرنا چاہتا ہے اور انسانی کمالات تک پہنچنا چاہتا ہے اُن کے لیے ایک بے مثال اور آموزدہ نسخہ واقعہ عاشورا اور کربلا والوں کی عظیم الشان سیرت ہے۔ مالکِ اشترِ زمان، شاگردِ مکتبِ عاشورا حاج شہید قاسم سلیمانی کی عاشقانہ گفتگو سننے کے لیے اِس ویڈیو کو مشاہدہ کیجئے۔ #ویڈیو #ملت #امام_حسین_علیہ_السلام #سخت_حادثات #انقلاب #شعبہ #یمن #حشد_الشعبی #مقاومت

انقلاب اسلامی ایران کے بعد شیطان بزرگ امریکہ کے سفارت خانے پر عوام کا حملہ درحقیقت ایک ملک کے سفارت خانے پر حملہ نہیں تھا بلکہ ایک شر اور جاسوسی کے مرکز پر حملہ تھا کہ جہاں سے دوسرے ممالک کے خلاف منصوبہ بندی کی جاتی تھی اور شوم شیطانی عزائم کی تکمیل کے لیے اس مرکز کو استعمال کیا جاتا تھا. اس بارے میں مزید جاننے کے لیے اس ویڈیو کا مشاہدہ کیجئے. #ویڈیو #سفارت_خانہ #جاسوسی_کا_اڈہ #سازشیں #ڈپلومیٹ #نوکر #سوویت_یونین #حکومت #ملت

عصر حاضر کی سب سے بڑی طاغوتی طاقت امریکہ اپنے شیطانی اور شوم آلہ کاروں کو مختلف ممالک میں برسر اقتدار لے کر آتا ہے اور ان کے ذریعے ملتوں اور اقوام پر مسلط رہتا ہے. اور جب اقوام بیدار ہوتی ہیں اور ان خائن حکمرانوں سے اقتدار چھین لیتی ہے تو وہ اپنے ان مہروں اور پٹھووں کو کسی مناسب وقت میں استعمال کرنے کے لیے بچا کر رکھتا ہے تاکہ بوقت ضرورت ان خائنوں اور ضمیر فروشوں سے استفادہ کر سکے. ایسے ہی خائنوں اور آلہ کاروں میں سے ایک ایران کا بادشاہ رضا شاہ پہلوی تھا جو لاکھوں لوگوں کے قتل عام اور ہر چیز نابود کرنے کے بعد اس ملک کے ذخائر اور بے تحاشہ اموال لے کر فرار ہوگیا اور اپنے شیطانی آقاوں کی آغوش میں پناہ لے لی. اس بارے میں مزید آگاہی کے لیے اس ویڈیو کا ضرور مشاہدہ کیجئے. #ویڈیو #منطق #ظالم #مظلوم #مظلوم_ملت #ذخائر #جھونپڑی #محل #خزانے #تیل #بھوک #امریکہ #قبضہ #قاتل_شخص #باپ_بیٹے #انتقام_جوئی #جمی_کارتر #لوٹی_اموال

اپنی مِلّت پر قیاس اقوامِ مغرب سے نہ کر خاص ہے ترکیب میں قومِ رُسولِ ہاشمی امت اور ملت کا مفہوم ایک دوسرے کے مقابل نہیں ہیں بلکہ ایک دوسرے سے متصل ہے اور ان کے درمیان ایک مضبوط باہمی رشتہ پایا جاتا ہے جب اسلام محمدی کا ایک پیروکار امت کی سربلندی اور کامیابی کے لیے سوچتا ہے تو اس کے ذیل میں ملت بھی خود باخود آجاتی ہے. امت، ملتوں سے تشکیل پاتی ہے جب ایک ملت صحیح راستے پر گامزن ہوگی اور مضبوط، محکم اور علم و عمل سے آراستہ و پیراستہ ہوگی تو اس کا نتیجہ ایک مضبوط، محکم اور باشعور ترقی کی راہ پر گامزن امت کی صورت میں سامنے آئے گا. اسی طرح امت کی پیش قدمی یا تنزلی کا اثر ایک ملت پر پڑتا ہے. ولی امر مسلمیں سید علی خامنہ ای حفظہ اللہ اس حوالے سے کیا فرماتے ہیں یہ جاننے کے لیے اس ویڈیو کا مشاہدہ کیجئے. #ویڈیو #قاسم_سلیمانی #ملت #امت #وفاداری_کی_اعلی_مثال #اسلام #انقلاب #عہد #ویڈیو

امام حسینؑ کی عزاداری کے نتیجے میں کسی بھی سماج اور معاشرے میں مترتب ہونے والے آثار کے پیش نظر ائمہ علیہم السلام نے عزاداری پر بہت تاکید کی ہے اور اسکی وجہ یہ ہے کہ امام حسین علیہ السلام کی تحریک اور عزاداری نے عالمی سطح پر انسانیت کے ضمیر کوجنجھوڑ کر رکھ دیا ہے اور اسکا دائرہ کسی قوم یا ملت تک محدود نہیں ہوتا بلکہ اسکا دائرہ بہت وسیع ہے اور ہر باضمیر انسان خواہ اسکا تعلق کسی بھی مکتب اور مسلک سے ہو، انسانی اقدار کے تحفظ کیلئے سرزمین کربلا میں معرض وجود میں آنے والی تحریک جس کے میر کارواں امام حسین علیہ السلام ہیں، جان ودل سے قبول کرتے ہوئے اسکا دلدادہ ہوجاتا ہے، اور اسی بنا پر عزاداری امام حسین علیہ السلام پوری انسانیت کی ہدایت کیلئے پیش خیمہ قرار پاسکتی ہے، یہی وجہ ہے کہ ائمہ علیہم السلام نے عزاداری پر بہت تاکید کی ہے۔ عزاداری کس طرح پوری بشریت کیلئے ہدایت کا سرچشمہ قرار پاسکتی ہے اور انسان کس طرح اپنی زندگی میں پیش آنے والے مختلف حالات کیلئے عزاداری سے سبق حاصل کرسکتا ہے؟ اور فرد اور معاشرے پر عزادری کے کس قدر گہرے اثرات مرتب ہوسکتے ہیں؟ ان تمام سوالات کے جوابات کو آیت اللہ علامہ تقی مصباح یزدی رضوان اللہ تعالی علیہ کے علمی بیانات پر مشتمل اس ویڈیو میں آپ مشاہدہ کر سکتے ہیں۔ #ویڈیو #مصباح_یزدیی #عزادری #معرفت #کمالات #ہدایت #انسانی_اقدار #اہلبیت #امام_حسین #غم #حزن

امام حسین علیہ السلام کی عزاداری، بہت سے انفرادی اور اجتماعی آثار و نتائج پر مشتمل ہے جن میں سے ہر ایک، اپنی جگہ اہمیت کا حامل ہیں، انفرادی طور پر مترتب ہونے والے آثار میں انسان کے اندر جوش و خروش کے ساتھ شعور کا چراغ بھی روشن ہوجاتا ہے جسکے نتیجے میں وہ حق اور باطل میں فرق پیدا کرسکتا ہے اور اسکے قلب میں دنیا کی بہترین ہستیوں سے متعلق ہمدردی اور محبت کا جذبہ موجزن ہوجاتا ہے۔ اور اجتماعی لحاظ سے دیکھا جائے تو عزاداری کے نتیجے میں انفرادی صورت میں انسان کے وجود میں آنے والی تبدیلی کے ثمرات سماج اور معاشرے میں طبیعی طور رونما ہوتے ہیں کیونکہ فرد معاشرے کا ہی حصہ ہے اور انسان کی کوشش ہوتی ہے کہ معاشرے میں اہل بیت علیہم السلام کی تعلیمات کو عام کیا جائے اور اسی لئے عزاداری کے فلسفے میں ایک بات یہ بھی ہے کہ خالص اسلامی احکام معاشرے میں نافذ ہوں اور معاشرے کی تعمیر اسلامی نہج پر ہوں جسکے نتیجے میں معاشرہ جنت نظیر مثال پیش کر سکے، انفرادی اور اجتماعی عزادری میں سے کس کو فوقیت حاصل ہے ؟ ان دونوں کے ایک دوسرے پر کیا اثرات ہوسکتے ہیں؟ اگر عزادری کی ظرفیتوں کو بروئے کار لاتے ہوئے اسکو دین کی تبلیغ کاذریعہ بنایا جائے تو اسکے آثاراور نتائج کیا بر آمد ہوسکتے ہیں؟ ان تمام سولات کے جوابات کو علامہ مصباح یزدی کے علمی بیانات پر مشتمل اس ویڈیو میں دیکھاجا سکتا ہے۔ #ویڈیو #مصباح_یزدی #عزاداری #انفرادی #اجتماعی #مجالس #آثار #جذبات #احساسات #شرائط_حالات #امام_حسین_علیہ_السلام #اسلامی_تعلیمات

امام حسین علیہ السلام کی مظلومانہ شہادت کے بعد خود اہلبیت علیہم السلام کے توسط سے عزاداری کا آغاز ہوا اور انہوں نے اپنے چاہنے والوں سے بھی عزادری کو فروغ دینے کی تاکید کی، چنانچہ شیعہ تاریخ کے تمام ادوار میں عزاداری کا سلسلہ کبھی نہیں رکا، اگرچہ ممکنہ طور پر مختلف ادوار میں اسکی مختلف صورتیں رہی ہوں، لیکن عزاداری کا سلسلہ نہیں ٹوٹا اور عزاداری کی مجالس نے بعض تاریخی مواقع پر بڑی کارکردگی دکھائی جسکی ایک مثال انقلاب اسلامی کی کامیابی کی صورت میں ہمیں نظر آتی ہے۔ انقلاب اسلامی کی کامیابی میں عزاداری کا کیا کردار رہا اور کس طرح نوحوں کے ذریعے ملک بھر میں لوگوں کے احساسات کو انقلاب کیلئے ابھارا گیا اور آٹھ سالہ دفاع مقدس کے دوران ماتمی دستوں اور انجمنوں نے کس طرح کا کارنامہ انجام دیا۔ ان تمام باتوں کو ولی امر مسلمین سید علی خامنہ ای کے بیانات پر مشتمل اس ویڈیو میں دیکھا جاسکتا ہے ۔ #ویڈیو #ولی_امر_مسلمین #مجالس_عزاداری #نوحہ_خوانی #شیعہ_تاریخ #انقلاب_اسلامی #امام_حسین #دفاع_مقدس #کارکردگی

گزشتہ سالوں کی نسبت اِس سال 22 بہمن (11 فروری 2023) کے موقع پر انقلاب اسلامی کی حمایت میں ہفتے کے دن نکالی جانے والی ریلی، ایک عظیم ریلی تھی جس میں دشمن کی جانب سے وسیع پیمانے پر پروپیگنڈوں کے باوجود کروڑوں لوگوں کے جم غفیر نے شرکت کی جس کی مثال سابقہ برسوں میں نہیں ملتی اور شدید سردی کے باوجود ہر صنف سے تعلق رکھنے والے افراد نے گرمیِ ایمان سے سرشار ہو کر اس عظیم اجتماع میں شرکت کرتے ہوئے تاریخ رقم کی اور عملی طور پر انقلاب دشمن عناصر کو منہ توڑ جواب دیا، اور اس لحاظ سے ملت ایران، جہاں قابل تحسین ہے وہیں لائق مبارک باد بھی ہے، یہی وجہ ہے کہ ولی امر مسلمین نے اس عظیم اجتماع کی تعریف کرنے کے ساتھ اسے بہت سراہتے ہوئے ایرانی قوم کی خدمت میں مبارک باد بھی پیش کی ہے اور اس عظیم ریلی کے پیغام کو بھی اپنے ویڈیو بیان میں واضح کیا ہے۔ چنانچہ اس بات سے آگاہی کے لیے کہ 22 بہمن (11 فروری 2023) کے موقع پر ولی امر مسلمین نے کس انداز میں ملت ایران کی خدمت میں خراج تحسین پیش کیا ہے؟ نیز اس عظیم اجتماع کا پیغام کیا ہے؟ اس ویڈیو کو ضرور دیکھیں۔ #ویڈیو #ولی_امر_مسلمین #22_بہمن #عوام #تعظیم #بصیرت #ایمان #دشمن #پروپیگنڈا #مخالفت #تبریز #اصفہان #مشہد #آواز #پیغام #انقلاب